د پاکستان د اطلاعاتو او خپرونو وفاقي وزیر عطا تارړ ویلي چې له بهر څخه د پاکستان پر ضد د دروغو او بدنيتي پر بنسټ یوه منظم معلوماتي کمپاین روان دی، چې هدف یې د هېواد د سولې هڅې او سیمهییز مثبت رول بدنامول دي. هغه دا کمپاین د هغو عناصرو کار وباله چې په سیمه کې د ثبات او د ترهګرۍ پر ضد د پاکستان د بریالۍ مبارزې له منلو انکار کوي او له همدې امله د پروپاګنډا او ناسمو معلوماتو خپرولو ته مخه کوي
هغه زیاته کړه چې پاکستاني رسنیو او د فېکټچیک پلیټفارمونو مخکې له مخکې دا منفي پروپاګنډا افشا کړې ده او د هېواد دریځ یې په سمه توګه روښانه کړی دی
په ټولنیزو رسنیو کې هم د هندي اینکر ارنب ګوسوامي د غیر مسلکي چلند او د ریټنګ لپاره د جنجالي موضوعاتو د کارولو پر ضد سخت غبرګونونه لیدل شوي دي. کاروونکي وايي چې هغه د خپرونو د لیدونکو زیاتولو لپاره کله ناکله اخلاقي حدونه هم تر پښو لاندې کوي
په دې بحثونو کې د ځینو شنونکو هغه پخواني ادعاوې هم بیا مطرح شوي چې ګواکې نوموړی اینکر د خپلو پروګرامونو د ریټنګ لوړولو لپاره جنجالي مېلمانه را بولي او بحثونه ترې د سوداګریز هدف لپاره کاروي