تهران: د ایران د بهرنیو چارو وزیر عباس عراقچي په متحدو عربي اماراتو سختې نیوکې کړې او دغه هېواد یې د ایران ضد فعالیتونو کې په مستقیم ډول ښکېل وباله
د اماراتو پر ضد تورونه
هغه وویل چې ایران تر دې دمه د اسلامي یووالي او سیمهییزو ګټو له امله د اماراتو نوم له څرګندولو ډډه کړې وه. د هغه په وینا، کله چې پر ایران بریدونه پیل شول، اماراتو یې حتا غندنه هم ونه کړه، نو اوس وخت راغلی چې ابوظبي خپلې تګلارې له سره وڅېړي
پر امریکا نیوکې
عباس عراقچي په خپله وینا کې پر متحده ایالاتو هم سختې نیوکې وکړې او ویې ویل چې د امریکا “زورزیاتی” باید د تاریخ کندې ته وغورځول شي. هغه وویل چې د امریکا د جبر پر ضد مقاومت نوې جګړه نه ده، بلکې د نړۍ ډېری ملتونه له اوږدې مودې راهیسې له بېلابېلو بڼو سره مخ دي
نړیوالو هېوادونو یووالی
هغه زیاته کړه چې زوال ته نږدې ستر قدرتونه د خپل پای د ځنډولو لپاره تر هر حده تللی شي، نو ټول هېوادونه باید سره یو موټی شي او د دې ګډ خطر مقابله وکړي
اسرائیلي ادعا جنجال
دا سخت بیان په داسې وخت کې راغلی چې د اسرائیلو د صدراعظم دفتر له لوري دا ادعا شوې وه چې د اسرائیلو لومړي وزیر بنیامین نتنیاهو د جګړې پر مهال یو پټ سفر اماراتو ته کړی و او د اماراتو له ولسمشر سره یې لیدلي دي، خو اماراتو دا ادعا په کلکه رد کړې ده
سیمې جیوپولیټیک وضعیت
شنونکي وایي چې د برکس له پلیټ فارم څخه د ایران دا څرګندونې ښيي چې د خلیجي هېوادونو او ایران اړیکې یو ځل بیا ترینګلې شوې دي، او دا دریځ کولی شي د منځني ختیځ په جیوپولیټیک وضعیت کې نوي بدلونونه رامنځته کړي