ټیکساس: د کراچۍ ۱۹ کلن ورزشکار رایان حبیب احمد د نړۍ له سختو لوبو څخه شمېرل کېدونکی “آیرن مین ټرای ایتلون” بشپړ کړ او د تر ټولو کم عمره پاکستانی آیرن مین لقب یې ترلاسه کړ. د ټیکساس ایالت په ښار “دی ووډ لینډز” کې په دې نړیواله سیالۍ کې هغه ۲۲۶.۳ کیلومتره واټن په ۱۵ ساعتونو، ۲۰ دقیقو او ۶ ثانیو کې بشپړ کړ او تاریخ یې جوړ کړ
آیرن مین چیلنج د خپلو سختو شرایطو له امله مشهور دی، چې پکې لوبغاړي باید پرته له وقفې درې بېلابېل پړاوونه ترسره کړي
لومړی پړاو: لامبو وهل
رایان د ووډ لینډز جهيل په ۲۴ درجې سانتي ګراد سړو اوبو کې ۳.۸ کیلومتره لامبو په ۱ ساعت او ۴۵ دقیقو کې بشپړه کړه په دوهم پړاو کې یې د هارډي ټول روډ پر ۱۸۰ کیلومتره بایسکل چلاوه او دا سخت سفر یې په ۷ ساعتونو او ۲۷ دقیقو کې ترسره کړ
درېیم پړاو: بشپړه ماراتون منډهوروستي پړاو کې یې ۴۲.۲ کیلومتره ماراتوني منډه په ۵ ساعتونو او ۳۸ دقیقو کې بشپړه کړه او د فنش لاین ته ورسېد د واټر وې ایونیو پر فنش لاین رایان د شین هلالي بیرغ په رپولو سره خپله بریا ولمانځله
د رایان پیغام
هغه وویل چې دا د ژوند تر ټولو سخته تجربه وه او هدف یې د پاکستاني ځوانو لوبغاړو الهام ورکول دي د آیرن مین ټیکساس ۲۰۲۶ کټ آف وخت ۱۷ ساعته و، خو رایان دا سیالي له ټاکلي وخت مخکې بشپړه کړه او خپل جسماني او ذهني ځواک یې ثابت کړ