اسلام آباد
د پاکستان نامتو دیني عالم او شیخ الحدیث مولانا ادریس پر ضد له پولې هاخوا یوه ډېره خطرناکه او منظم پروپاګنډا کمپاین پیل شوی دی. دا کمپاین هغه وخت شروع شو کله چې مولانا ادریس د جمعې په خطبه کې په سیمه کې د سولې لپاره د پاکستان دولت او د پوځ د مشر فیلډ مارشل عاصم منیر د مصالحتي رول ملاتړ وکړ
ګواښونه او پروپاګنډا
مولانا ادریس هغه علمي شخصیت دی چې د پولې دواړو غاړو ته درناوی لري. ویل کېږي چې د افغانستان د اوسني حکومت (امارت اسلامیه) نږدې نیمایي کابینه او لوړ چارواکي د هغه شاګردان پاتې شوي دي. خو کله چې هغه د پاکستان د ملي ګټو او سولې لپاره د پوځ ستاینه وکړه، نو د کابل له ځانګړو پروپاګنډا شبکو “المرصاد” له لوري د هغه پر ضد د ګواښونو او منفي تبلیغاتو لړۍ پیل شوه
سیاسي تړاو او داخلي رول
خواشینونکې خبره دا ده چې یوازې بهرني عناصر نه، بلکې په پاکستان کې ځینې سیاسي ډلې هم د دې کمپاین ملاتړ کوي. د دغو ډلو سوشل میډیا څانګې د بهرني ایجنډا په چوکاټ کې د مولانا ادریس پر ضد منفي خبرې خپروي، حال دا چې هغه تل د امت د یووالي او ملي امنیت لپاره غږ پورته کړی دی
المرصاد او د پروپاګنډا رول
د افغان استخباراتي پروپاګنډا پلیټ فارم “المرصاد” په پښتو ژبه کې لیکنې خپرې کړي چې پکې مولانا ادریس “د ریاست وسیله” بلل شوی دی. په دغو لیکنو کې نه یوازې د هغه علمي سپکاوی شوی، بلکې په غیر مستقیم ډول د هغه پر ضد د اقداماتو هڅونه هم شوې ده
سیمهییز اثرات
سفارتي شنونکي وایي چې دا حالت د دې ښکارندوی دی چې د سیمې ځینې کړۍ د پاکستان د زیاتېدونکي نفوذ او د سولې د هڅو له امله اندېښمنې دي. د مولانا ادریس پر ضد دا ډول کمپاینونه د علمي شخصیتونو د چوپولو هڅه بلل کېږي، چې د سیمې ثبات ته زیان رسولی شي