د امریکا مشهورې مجلې «دي نېشنل انټرسټ» په یوه مقاله کې پاکستان د یوې راڅرګندېدونکې سفارتي او امنیتي ځواک په توګه یاد کړی، چې اغېز یې اوس له سویلي اسیا څخه اوښتی او د منځني ختیځ په بحرانونو کې مهم رول لري
راپور وايي چې فیلډ مارشل سید عاصم منیر د امریکا او ایران ترمنځ د تاوتریخوالي وروسته د اوربند په رامنځته کولو کې مهم رول لوبولی. د اسلاماباد خبرې د یوې سترې سفارتي بریا په توګه یادې شوې، چې پکې د دواړو هېوادونو چارواکو لومړی ځل مستقیمه اړیکه نیولې ده
عسکري سفارتکاري د بدیل په توګه
مقاله زیاتوي چې د پاکستان عسکري سفارتکاري هغه ځای بریالۍ شوې چې دودیزې سفارتي لارې ناکامې شوې وې. د پاکستان نظم، ستراتیژیک اړیکې او د کړکېچ کمولو وړتیا د دې هېواد د باور وړ رول لامل بلل شوی
سیمهییز دفاعي اړیکې
د چین، سعودي عربستان، قطر، اماراتو، مصر او اردن سره د پاکستان دفاعي اړیکې د دې هېواد د زیاتېدونکي نفوذ مهم بنسټ بلل شوی. د ۲۰۲۵ کال دفاعي تړون له سعودي عربستان سره ځانګړی اهمیت لري
نړیوال رول او راتلونکی
شنونکي وایي پاکستان نه یوازې د ایران-امریکا د کړکېچ پل جوړوي، بلکې د غزې او نورو نړیوالو امنیتي هڅو کې هم د مهم لوبغاړي په توګه راڅرګند شوی راپور پاکستان د داسې نړیوال ځواک په توګه یادوي چې د لویو قدرتونو ترمنځ د توازن ساتلو کې مهم رول لري