کابل: د افغانستان ریپبلک فرنټ د هېواد د سرحدي مسایلو په اړه یو جامع بیان خپور کړی، چې پکې یې ډیورنډ کرښه د افغانستان او اسلامي جمهوریت پاکستان ترمنځ یو رسمي او نړیوال قانوني سرحد بللی دی
قانوني او تاریخي دریځ
په اعلامیه کې ویل شوي چې د افغانستان پولې د نړیوالو قوانینو او اصولو له مخې په واضح ډول ټاکل شوې دي. دا پولې په بېلابېلو تاریخي پړاوونو کې ټاکل شوې او هغه وخت د اړوندو حکومتونو له خوا په رسمي ډول منل شوې وې، نو ډیورنډ کرښه یو قانوني او سیاسي حقیقت دی چې انکار ترې ممکن نه دی
د سیاسي مشرانو لپاره سپارښتنه
افغانستان ریپبلک فرنټ له ټولو سیاسي مشرانو، اشرافو او اغېزناکو شخصیتونو غوښتنه کړې چې د داسې حساسو موضوعاتو په اړه له قومي، سیمهییزو او احساساتي چلند څخه ډډه وکړي. په بیان کې ویل شوي چې بې بنسټه او پاروونکي ادعاوې نه یوازې ستونزې نه حلوي، بلکې ملي یووالي ته زیان رسوي او بحران نور هم ژوروي
سیاسي لومړیتوبونه
په اعلامیه کې ټینګار شوی چې اوسنۍ لومړیتوب دا دی چې افغانستان له روان بحران څخه ووځي او خلک د طالبانو له واکمنۍ خلاص شي، کوم چې هېواد یې انزوا، فقر او بې ثباتۍ ته کش کړی دی
د دوامدارې مبارزې ژمنه
افغانستان ریپبلک فرنټ ویلي چې دوی به د افغان ولس د انساني وقار او روښانه راتلونکي لپاره خپله مشروع او ملي مبارزه جاري ساتي او د دې هدف لپاره به له هېڅ ډول قربانۍ درېغ ونه کړي