د پاکستان پلازمېنه اسلامآباد یو ځل بیا د نړیوالې ډیپلوماسۍ مرکز ګرځي، چیرې چې د امریکا او ایران ترمنځ د اوږدې مودې کړکېچ د کمولو لپاره مهم مذاکرات له چهارشنبې څخه بیا پیلېږي. رويټرز د پاکستاني سرچینو له قوله تایید کړې چې د دواړو هېوادونو ترمنځ په روانو خبرو کې مثبت پرمختګ شوی او بهیر سم لوري ته روان دی
د ټرمپ د ګډون امکان
د مذاکراتو له حساسیت سره تړلې یوې پاکستانۍ سرچینې ویلي چې د احتمالي هوکړې په اړه هیلې زیاتې شوي دي. د راپور له مخې، که دا خبرې یوې وروستۍ موافقې ته ورسېږي، نو د امریکا ولسمشر ډونالډ ټرمپ به په دې بهیر کې یا په مستقیم ډول او یا د ویډیو له لارې ګډون وکړي
د سولې په لور سیمهییز پرمختګ
رسنیو او شنونکو ویلي چې د اسلامآباد دا غونډه د سیمې د ثبات لپاره مهمه بلل کېږي. د معلوماتو له مخې، د پخوانیو خبرو وروسته اوس په دې بهیر کې نوې چټکتیا راغلې او تمه کېږي چې په راتلونکو غونډو کې مهم پرمختګونه وشي