د ایران د بهرنیو چارو وزارت د روانو سیمهییزو او نړیوالو ډیپلوماټیکو هڅو په اړه د پاکستان رول ډېر مهم بللی او هغه یې د یوازیني رسمي منځګړي په توګه منلی دی
د وزارت ویاند اسماعیل بقایي په یوه بیان کې تایید کړې چې پاکستان اوس مهال په ډیپلوماټیک بهیر کې د واحد سرکاري ثالث په توګه کار کوي. دا بیان په داسې وخت کې مخې ته راغلی چې په سیمه کې د تاوتریخوالي کمولو او د هېوادونو ترمنځ د اړیکو د بیا رغولو لپاره سفارتي هڅې زیاتې شوې دي
بقایي ویلي چې د پاکستان دا رول نه یوازې رسمي بلل کېږي بلکې ایران یې په اوسني وضعیت کې ډېر باوري هم ګڼي. که څه هم نوموړي د هغو هېوادونو یا موضوعاتو تفصیل نه دی ورکړی چې پاکستان پکې منځګړتوب کوي، خو ډیپلوماټیکې کړۍ دا د منځني ختیځ د حالاتو او د ایران د نړیوالو اړیکو په چوکاټ کې ارزوي
یادونه کېږي چې پاکستان په تېر کې هم د ایران او سعودي عربستان په ګډون د نورو هېوادونو ترمنځ د تاوتریخوالي په کمولو کې د پل رول ادا کړی دی. د ایران له لوري د پاکستان د “واحد رسمي منځګړي” په توګه منل کېدو سره د اسلامآباد د ډیپلوماټیک اهمیت د زیاتېدو تمه کېږي