تازه خبرونه

په هنګو کې د پولیسو بریالی عملیات، ۷ ترهګر وژل شوي

د هنګو په بختو ټاپ او چمبه ګل سیمو کې د پولیسو او وسله‌والو ترمنځ نښته کې ۸ وسله‌وال وژل شوي، او یو پولیس سرتېری شهید شوی دی
د خیبر پښتونخوا د هنګو ولسوالۍ کې د پولیسو له خوا د ترهګرو پر ضد لوی عملیات ترسره شوي چې پکې ۸ ترهګر وژل شوي او یو پولیس سرتېری شهید شوی دی. په سیمه کې د پاکسازۍ عملیات لا هم روان دي

د خیبر پښتونخوا د هنګو ولسوالۍ کې د پولیسو له خوا د ترهګرو پر ضد لوی عملیات ترسره شوي چې پکې ۸ ترهګر وژل شوي او یو پولیس سرتېری شهید شوی دی. په سیمه کې د پاکسازۍ عملیات لا هم روان دي

د خیبر پښتونخوا د هنګو ولسوالۍ په بختو ټاپ سرکي او چمبه ګل سیمو کې د پولیسو او وسله‌والو ترمنځ په سختو نښتو کې ۸ وسله‌وال وژل شوي او ګڼ شمېر نور ټپیان شوي دي.

د کوهاټ د ریجنل پولیس افسر (آر پي او) عرفان طارق له مخې، دا نښتې وروسته له هغې پیل شوې چې په یادو سیمو کې د وسله‌والو د شتون معلومات ترلاسه شول او عملیات ترسره شول

د پولیسو د ویاند په وینا، د نښتې پر مهال یو پولیس سرتېری د شهیدۍ لوړ مقام ته رسېدلی، او یو بل سرتېری ټپي شوی دی چې روغتون ته لېږدول شوی دی

آر پي او کوهاټ ویلي چې پولیسو له تېرو څو ساعتونو راهیسې د وسله‌والو پر ضد کلابندي تنگه کړې او په سیمه کې د پاکسازۍ عملیات لا هم روان دي

امنیتي چارواکو ویلي چې یادې سیمې محاصره شوې دي او د وسله‌والو ممکنه پټنځایونه په نښه کېږي. د عملیاتو هدف دا دی چې سیمه له ناامنه عناصرو پاکه شي او د امن او نظم وضعیت ټینګ وساتل شي. چارواکو ټینګار کړی چې د ترهګرۍ تر بشپړ ختمېدو پورې به عملیات دوام ولري

Related Articles

ایراني سفیر اسلام آباد د امریکا سره د مذاکراتو یوازینی ځای بللی او پر پاکستان یې بشپړ باور څرګند کړی دی

April 16, 2026

وزیراعظم شهباز شریف له خپل وفد سره دوحې ته رسېدلی دی، چیرې چې هغه به د قطر له امیر سره په کتنه کې د دوه اړخیزو همکاریو او سیمه‌ییز سولې په اړه خبرې وکړي

April 16, 2026

ایا پاکستان کولای شي له افغانستان سره جګړه پرمخ یوسي، په داسې حال کې چې د یوې نړیوالې جګړې منځګړیتوب هم کوي؟

April 16, 2026

په بدخشان د جرم ولسوالۍ کې د طالبانو استخباراتو عملیاتو پر مهال ۱۳ کسان د داعش خراسان سره د تړاو په تور نیول شوي، خو سرچینې وايي اصلي لامل یې داخلي اختلافات او د سرچینو پر سر شخړې دي

April 16, 2026

Post a comment

Leave a Reply

Your email address will not be published. Required fields are marked *