پاکستاني امنیتي ادارو لویه عملیات ترسره کړې او د هند استخباراتي ادارې “را” لپاره د جاسوسۍ په تور درې کسان نیول شوي دي، چې د قانوني کارروايۍ وروسته ورته سزاوې هم اورول شوې دي. چارواکي وایي دا کسان د هني ټریپ او مالي لالچ له لارې حساس معلومات لېږدول۔
رپورټونو له مخې، دا کسان د یوې بهرنۍ ښځینه شبکې سره په دوامداره اړیکه کې وو او د ټولنیزو رسنیو له لارې په دام کې اچول شوي وو. په پلټنو کې دوی منلې چې د پیسو او نورو ګټو په بدل کې یې حساس معلومات ورکول۔
ټولنیزې رسنۍ او اړیکې
سرچینې وایي نیول شوي کسان د نارووال، بهاولپور او د آزاد کشمیر د نیلم ضلعې سره تړاو لري او د ایزي پیسه، کریپټو والټونو او بانکي حسابونو له لارې یې پیسې ترلاسه کړې دي۔
امنیتي چارواکي وایي د دوی پر ضد د رسمي رازونو د قانون لاندې مقدمې درج شوې وې او د بشپړ قانوني عمل وروسته درې واړو ته سزاوې اورول شوې دي، خو د سزا د نوعیت او مودې تفصیل نه دی څرګند شوی۔
دفاعي کارپوهان وایي چې هند د هني ټریپ او مالي هڅونو له لارې د خلکو د استعمال هڅه کوي او له دې وړاندې هم د داسې شبکو شواهد مخې ته راغلي دي۔
تجزیه کاران وایي دا عملیات نه یوازې یوه منظمه جاسوسي شبکه بربنډه کړه، بلکې د پاکستان د ضدجاسوسي مؤثره وړتیا هم څرګندوي۔