ټانک : د ټانک په بېلابېلو سیمو کې دوه دولتي ښوونځي د بارودي موادو په چاودنو الوځول شوي دي. د امنیتي سرچینو ترمخې، نامعلومو کسانو ښوونځي نن د جمعې به ورځ سهار او ماسپخین بېلابېلو وختونو کې په نښه کړي او الوځولي دي
لمړۍ پېښه د تھانہ صدر په حدود کې د کړي عمرخان په کلي کې رامنځته شوې، چیرې چې ناڅرګندو کسانو د ګورنمنټ ګرلز پرائمري سکول ودانۍ د بارودي چاودنې له لارې نړولې ده
د سرچینو ترمخه چاودنه د سهار وختي شوې او د خوشبختۍ خبره دا ده چې سکول ته زده کوونکې ښوونځي ته نه وې رارسېدلې، نو کوم ځاني زیان نه دی رامنځته شوی
دوهم برید د ورځې وروستو د تھانہ ګل امام په حدود کې د اکبري کلي کې شوی، چیرې چې د ګورنمنټ بوائز هاي سکول اکبري د بارودي چاودنې له امله زیانمن شوی دی. د سرچینو په وینا، ښوونځي څخه چې کله زده کوونکي رخصت شول نو له هغې وروسته چاودنه شوې او ودانۍ ته ی زیان رسولې دې
د پیښو له اعلان وروسته، د پولیسو او امنیتي ځواکونه په زیات شمیر کې دواړو ځایونو ته رسیدلي دي او پلټنې ی پیل کړي دي
سرچینو ویلي دي چې د نن په یوه ورځ کې دوه ښوونځي د بمي بریدونو ښکار شوي دي، وایی چې په دې بریدونو کې د هلکانو او نجونو دواړه سرکاري ښوونځي هدف ګرځیدلي دي او الوځول شوي دي
د زدهکړو د څانګې مسؤلینو، محکمه تعلیم اړوند اهلکارو تایید کړې چې دواړه ښوونځي فعال او فنکشنل وو، او ښوونځیو ته زده کوونکي راتلل
امنیتي سرچینې وایي چې د بریدونو د اصلي عاملینو د نیولو لپاره پلټنې پیل شوې دي، خو تر اوسه څوک نه دي نیول شوي او د برید مسئولیت هم چا نه دی منلی
نورخبرونه