اسلام آباد: د پاکستان امنيتي ځواکونو په عملیاتو کې په خیبرپښتونخوا کې د کرم، مومند او لکي مروت په سیمو کې د هند لخوا ملاتړ او مالي مرستو په زور په ترهګریز بریدونو کې ککړ د فتنه الخوارج ترهګرو ډلې دیرش ۳۰ غړي وژل شوي دي
د پاکستان د پوځ د عامه اړیکو دفتر آیی ایس پی ار په وینا، امنیتي ځواکونو د خیبرپښتونخوا د کرم په ضلع کې د خوارجو د شتون په اړه د باوري استخباراتي معلوماتو له ترلاسه کېدو وروسته هدفمند عملیات ترسره کړل او د خوارجو مرکزونه ی په مؤثر ډول هدف وګرځول
آیی ایس پي ار وایي چې امنیتي ځواکونو په دوو جلا عملیاتو کې د هند ملاتړ لرونکي فتنه الخوارج ډلې ۲۳ درویشت ترهګر له منځه یووړل
د معلوماتو له مخې، په کرم کې د لومړي عملیات پر مهال د سختې نښتې په نتیجه کې ۱۲ دولس خوارج ووژل شول، او په دوهم عملیات کې چې د استخباراتي معلوماتو له مخې ترسره شو، ۱۱ یوولس نور خوارج هم له منځه یوړل شول
آیی ایس پي ار زیاتوي چې په مومند کې د ترسره شوو عملیاتو پر مهال د خوارجو ۴ څلور غړي ووژل شول، په لکي مروت کې د ډزو په تبادله کې ۲ خوارج له منځه ولاړل او په ټانک کې هم یو خارجی ترهګر ووژل شو
لوړ پوړه چارواکو ستاینه کړې ده
د پاکستان لوړ پوړه چارواکو د فتنه الخوارج په ضد دې عملیاتو ستاینه کړې ده او امنیتي ځواکونو بریا ی په لوړو ټکو کې ستایلې ده
د ترهګرو پر ضد د بریالي عملیاتو ستاینه وزیر اعظم شهباز شریف او د کورنیو چارو فدرالي وزیر محسن نقوي کړې ده.وزیر اعظم شهباز شریف ویلي دي چې د ترهګرۍ د دې بلا د بشپړ له منځه وړلو تر وخته به جګړه دوام وکړي