جنوبې وزیرستان :امنیتي ځواکونو د کیډیټ کالج وانا باندې د احتمالي ترهګریز برید پر مهال په وخت او مؤثره عملیات ترسره کړل او برید یې شنډ کړ. د سرچینو له مخې، یو ځانمرګی بریدګر هڅه وکړه چې د کالج دروازه په نښه کړي، خو د امنیتي سرتېرو له لوري د ودانۍ دننه له داخلېدو مخکې ووژل شو
هغه ډله چې پخوا د تحریک طالبان پاکستان سره تړاو لرلو، د “جیشالهنــد” په نوم د يوې نوې ډلې ددې بريد ذمه واري منلې ده. دغه ډله وايي چې ځانمرګی بریدګر سيفالـعمر افريدي و.خو ازادو ذریعو ددی تصدیق په دی کړی
لومړني راپورونه ښيي چې ۴ څخه تر ۵ پورې ترهګر وژل شوي دي، او په سیمه کې د صفایي عملیات لا هم دوام لري . د کالج ټول کارکوونکي او زده کوونکي په بشپړ ډول خوندي دي، او د کالج دننه هیڅ تلفات نه دي رامنځته شوي
امنیتي سرچینې وايي، بریدګرو غوښتل د پیښور آرمي ښوونځي په څیر خونړۍ پېښه تکرار کړي، خو د امنیتي ځواکونو په وخت او اغېزمن غبرګون سره د هغوی دا ناپاکه هڅه ناکامه شوه. د کالج ودانۍ او شاوخوا سیمه په بشپړ ډول تړل شوې ده
د چاودنې له امله یو نږدې کور په بشپړ ډول ویجاړ شوی، او په کور کې موجود ۵ کسان ټپیان شوي دي. ۵ تنه لاروې کسان هم د چاودنې له امله ژوبل شوي، چې ژر تر ژره روغتون ته لېږدول شوي دي
چارواکي وایي، د سیمې وضعیت په نږدې توګه څاري او د پاتې احتمالي ګواښونو پر ضد عملیات لا هم روان دي
نورخبرونه: خیبرپښتونخوا کې د ترهګرو پر ضد اپریشن: ۲۰شل ترهګر له منځه وړل شوي