Skip to content 
د پاکستان د بهرنيو چارو وزارت وياند ويلي دي چې د تېرې اوونۍ د امنيتي حالاتو له امله به د افغانستان سره سرحدي لارې به تړلې پاتې شي، ځکه د توکو تګ راتګ او سوداګرۍ نه، بلکې د يو عادي پاکستاني وګړي ژوند ډېر ارزښت لري۔
د وياند په وينا، په دوحه کې د پاکستان او د افغانستان طالبانو ترمنځ د مذاکراتو پر مهال پر يوې سند يا ليکلې موافقې د دواړو خواوو ترمنځ اتفاق شوی او لاسليکونه پرې شوي دي. وياند زياته کړه: “که د افغان طالبانو حکومت دغه سند تړون بولي يا نه بولي، زموږ لپاره کوم توپير نه لري.”
د کنړ سیند په اړه د پاکستان د بهرنيو چارو وزارت څرګنده کړې چې اسلاماباد به د نړيوالو قوانينو له مخې عمل وکړي او د اوبو د استعمال په برخه کې به د قوانينو درناوی کوي۔
وياند زياته کړه چې د تېرې اوونۍ امنيتي وضعيت ته په کتو، د افغانستان سره سرحدي لارې به تړلې وي، ځکه د يو عام پاکستاني ژوند خوندي ساتل د هر څه نه مهم دي۔
د هند او افغانستان ترمنځ د اړيکو په اړه وياند وويل چې د هند له لوري په افغانستان کې د سفارتخونې پرانستل د دواړو هېوادونو داخلي موضوع ده، او پاکستان د دوو نورو هېوادونو په کورنيو چارو تبصره نه کوي. ده زياته کړه چې د افغانستان په چارو کې د هند رول له پخوا ډېر مثبت نه دی پاتې شوی
د اسرائيلو په اړه د بهرنيو چارو وزارت وياند وويل چې اسرائيل د نړيوالو قوانينو څرګندې سرغړونې کوي، او پاکستان به دا موضوع پر نړيوال کچ راپورته کوي. ده وويل چې موږ د اسرائيلي سرغړونو او هغو پېښو څارنه کوو چې د دغو کړنو سبب ګرځي. د فلسطين د خپلواک دولت جوړېدل هغه روښانه لاره ده چې موږ پرې ولاړ يو
د يادونې وړ ده چې د پاکستان او افغانستان ترمنځ د روانې کړکېچ له امله په ۱۲م اکتوبر پاک افغان بارډر تورخم ، سپین بولدک دروازه ، غلام خان او انګور اډه، خرلاچي نن دیارلسمه ورځ هم تړلې دي. د ځایی سوداګرو په وینا دواړه لوري ته په زرګونو ټرکونه چې د تجاري سامانونو بار دي بند پاتې دي او سوداګر دا هم وایی چې د تازه میوې لارې هم په دواړو لوري بندې پاتې دي چې له امله ی دا میوې خرابې شوي او سوداګر له کروړونو روپۍ زیان سره مخ دي.
نورخبرونه
هند پاکستان کې ترهګرۍ ته وده ورکوي او وسله والو ډلو سره مرستې کوي
