پاکستان وايي چې په بلوچستان کې د ترهګرۍ په پېښو کې د هند ملاتړ لرونکې ډلې ښکېل دي او په بلوچستان کې ترهګریز بریدونو او په دې صوبه کې بې ثباتي او ناامني راوستلو کې د هند لاسوهنه روانه ده
د بهرنیو چارو وزارت ویاند، شفقت علي خان، د اونیزې خبري غونډې پر مهال وویل چې په مقبوضه کشمیر کې د لسیزو راهیسې د بشري حقونو سرغړونې روانې دي. نوموړي زیاته کړه چې بلوچستان کې په یو پلان او سازش سره هند له لوري لاسوهنه کېږي او د هند پراکسي ډلې په دغو پېښو کې لاس لري
د بهرنیو چارو وزارت په وینا پاکستان دا موضوع په نړیواله کچه په هر فورم کې راپورته کوي
ویاند وویل چې د ترهګرۍ په اړه د پاکستان دریځ روښانه دی او د دې په اړه د بهرنیو چارو پخواني وزیر بلاول بوټو زرداري هېڅ ډول متضاد بیان نه دی ورکړی
نوموړي دا هم وویل چې چين د پاکستان نېږدې دوست هېواد دی، او د تایوان په اړه د پاکستان په پالیسي کې هېڅ بدلون نه دی راغلی. پاکستان د بریکس هېوادونو په سازمان کې د ګډون هیله لري، خو د بریکس په اړه چې کومې خبرې مخې ته راځي، پرې تبصره نه شي کولی
دلته مهمه ده او باید یادونه ی وشي چې وړمه ورځ هم د بلوچستان د ژوب ولسوالۍ په ډب سرہ ډاکئی سیمه کې ترهګرو د یو بس نه ۹ مسافررا ښکته کړل او د پېژندنې وروسته یې اووژل
دلته باید ددې هم یادونه وشي چې دغه وژل شوي مسافر د پنجاب اوسېدونکي وو او د هغوی مړي د پنجاب ـ بلوچستان په پوله د بواټه په سیمه کې د ډي جي خان انتظامیې ته وسپارل شول
په دې وژل شوو کسانو کې دوه هغه ورونړه هم وو چې د بلوچستان نه پنجاب ته د خپل پلار په جنازه کې د ګډون لپاره روان وو چې په لار کې د هند لوري ملاتړ لرونکې ډلې بلوڅ بیلتون خوښې ډلې د بس څخه راښکته کړل او قتل ی کړل