پاک ـ افغان بارډر ته څېرمه د خېبر قبایلي ضلعې د وادي تيراه په سيمه کې د وسلوالو يو خونړی بريد شوی چې په نتيجه کې د پاکستان پوځ اته (۸ سرتېري شهيدان شوي او ګڼ نور ژوبل شوي دي. د پېښې وروسته په سیمه کې ګرځبندیز لګول شوې دې.
د معلوماتو له مخې دا بريد د حېدر کنډاو په پوسته باندې د پنجشنبې او جمعې تر منځ شپه شوی دی. د سرچينو په وينا، وسلوالو د پوځ پر پوستې د درنو وسلو برید کړی چې د دواړو خواوو ترمنځ سخته نښته وشوه. .
سرچينو ویلي چې د بريد شدت دومره زیات و چې داسې ښکارېده لکه نږدې سل وسله وال د بريد برخهوال وي.
د امنيتي سرچينو په وينا، د ۲۷ بریګېډ تر قوماندې لاندې د ۷ سندهه یونټ سرتېرو د ترهګرو په ضد ډیره په میړانا او زړورتیا سره مقابله وکړه، خو په دې نښته کې د پوځ اته عسکر شهیدان او ګڼ نور ټپیان شول، چې د ځينو ټپیانو حالت نازک بلل کېږي.
له بلې خوا د برقمبرخېل قبیلې مشران او سيمه ييز خلک د پېښې ځای ته ورسېدل او د شهيدانو او ټپيانو د انتقال چارې يې ترسره کړې او هغوی يې د ۷ سندهه يونټ مرکز ته ورسول، یو شمیر سرچینې وایی چې د ترهګرو په برید کې ۱۱ پوځي سرتیري شهیدان شوي دي. .
له پېښې وروسته په ټول وادي تيراه کې کرفيو نافذه شوی، او امنيتي ځواکونو د وضعې د کنټرول لپاره د ګن شپ هیليکوپترو الوتنې هم کړې دي. خلکو ته سپارښتنه شوې چې له کورونو څخه مه وځي او خپله تګ راتګ محدوده کړي. د بریدګرو د موندلو او د هغوی د له منځه وړلو لپاره هوایي عملیات هم روان دي، د پاک پوځ ویاند ویلي دي چې د وطن لپاره شهید شویو کسانو قربانۍ به ضایع نه شی، آیاېسپيآر وویل چې د ترهګرو پر ضد جګړه به تر هغه مهاله روانه وي چې ترهګر او ترهګري له منځه لاړه شي
نورخبرونه
د افغانستان خاوره د پاکستان په ضد کارول کیږي: د پاکستان پوځ ویاند
د ضلع خیبر په وادي تیراه کې د وسله والو په ټریننګ مرکز کې چاودنه
وادي تیراه کې تښتول شوې د امن لښکر رضاکار ق ت ل ش شوې
وادي تیراه کې ځانمرګي برید: د امنیتي ځواک یو اهلکار شهید شوې