د افغانستان اسلامي امارت د بهرنیو چارو وزیر مولوي امیرخان متقي د هند پلازمېنې نوي ډېلي ته رسېدلی، متقي په نوي ډیلي کې د هند له بهرنیو چارو له وزیر ډاکټر اېس. جې. شنکر سره مهمه کتنه کړې ده. د دواړو مشرانو ترمنځ د دوه اړخیزو اړیکو، سیمه ییزو همکاریو او د اوبو د مدیریت او په یو شمیر مهمو موضوع ګانو باندې خبرې وشوې ـ
ډاکټر جې شنکر د خبرو پر مهال وویل چې د هند او افغانستان ترمنځ د اوبو د مدیریت او خړوبولو په برخه کې یوه مهمه تاریخي همکاري موجوده ده. هغه زیاته کړه چې موږ د افغانستان له خوا ددغې همکارۍ د لاپیاوړتیا هرکلې کوو او چمتو یو چې د افغانستان د اوبو د سرچینو د دوامدار مدیریت په برخه کې ګډ کار وکړوـ
مولوي امیرخان متقي د خپل هندي سیال سره د کتنې پر مهال وویل، دا ضروري ده چې موږ خپله پوهه، وړتیاوې او فرصتونه په سمه توګه وکاروو. هند تل زموږ د ولس ترڅنګ ولاړ دی او په بېلابېلو برخو کې یې مرسته کړې ده، هغه زیاته کړه په تیرو څلورو کلونو کې په ځانګړې ډول د زلزلو بر مهال هند لومړې هیواد وو چې عاجله مرسته ی افغانستان ته راولیږله، افغانستان هند خپل نږدې دوست ګڼي او مږ د متقابل درنیاوي او ولسی اړیکو پر بنسټ اړیکې غواړوـ
متقي په نوي ډېلي کې د خپلې وینا پر مهال دا هم وویل چې دا سفر د دواړو هېوادونو ترمنځ د اړیکو یو نوی پړاو دی. د هغه په وینا د خبرو او ډایلاګ له لارې موږ کولای شو متقابل تفاهم ته وده ورکړوـ
هغه زیاته کړه چې مونږ چمتو یو چې د مشورتي میکانزم د رامنځته کولو له لارې خپلې اړیکې نور هم پیاوړې کړو څو د دواړو هیوادونو ترمنځ ښه تفاهم رامنځته شي-زیاته ی کړه چې سره له دې چې امریکا د یرغل پر مهال حالات ډیر بدل وو خو طالبانو هیڅ کله د هند پر ضد کوم منفي دریځ نه دې غوره کړې او تل ی د ښو اړیکو هیله لرله ـ
متقي اوویل او ټینګار ی وکړو چې زه د ډېلي په راتګ خوښ یم او باور لرم چې دا سفر به د دواړو هېوادونو ترمنځ د متقابل تفاهم سبب شي. هند او افغانستان باید خپلې اړیکې او تماسونه پراخ کړي ، متقي ډاډ ورکړو چې موږ به هیڅ کله هم خپله خاوره د بل هیواد پر ضد د کارولو اجازه ور نه کړوـ
له بلې خوا، ډاکټر جې شنکر له کتنې وروسته وویل ، زه خوشحال یم چې اعلان وکړم د هند هغه تخنیکي ماموریت چې به کابل کې فعالیت کوي وس د سفارت مقام ته لوړول کیږي ـ
د دې اعلان سره، هند د هغو څو هېوادونو له ډلې شو چې د طالبانو له حکومت سره یې په مستقیمه توګه دپلوماټیکې اړیکې رسمې کړې دي
ډاکټر اېس جې شنکر د اسلامي امارت د بهرنیو چارو له وزیر امیرخان متقي سره په ګډه خبري غونډه کې وویل چې افغانستان او هند د پرمختګ او سوکالۍ په ګډو هدفونو ولاړ دي- زیاته ی کړه چې کابل او نوې ډیلي باید د ترهګرۍ پر ضد خپلو اقداماتو کې همغږي رامنځته کړي او د ترهګرۍ د مخنیوي لپاره ګډه تګلاره جوړه کړي ـ
دلته مهمه ده چې یادونه وشی ، د سرچینو په وینا، افغان وزیر به د خپل څلور ورځني سفر پر مهال د هند د ملي امنیت له سلاکار اجیت دوول سره هم وګوري او د هند یو شمېر تاریخي او تعلیمي مرکزونه به هم وګوري
دا هم باید یادونه وشی چې یواځې هند هغه هیواد دې چې کله په پلازمینه کابل د افغانستان اسلامي امارت بشپړ واک ترلاسه کړو نو د هند حکومت خپل د سفارت سفیر او نور مهم کارمندان له کابله اوویستل ـ
نورخبرونه
د افغانستان اسلامي امارت ستره سیاسي او سفارتي بریا
روس د نړۍ لومړې هیواد شو چې د افغانستان اسلامي امارت ی په رسمې توګه اوپیژندل
د افغانستان خاوره به هیڅ کله هم د پاکستان په ضد و نه کارول شي: حمدالله فطرت