ضلع خیبر: د افغانستان په تاریخ کې د عیسوي کال ۷۰م لسیزه ډیر لوی اهمیت لري، په دې لسیزه کې د افغانستان سیاسي وضع ډیره کړکیچنه وه او د افغانستان خلق سیاسي ګوند لوري متحده شوروي ته بلنه ورکړل شوه چې خپل ځواکونه افغانستان ته داخل کړي، په افغانستان کې دغه تاریخ د ثور انقلاب په توګه هم یادولې شي.
دلته دا هم باید یادونه وشي چې ډاکټرنجیب هم په هغه افغان چارواکو کې شامل دې چې ددوی په حکومت کې د افغانستان خاوره د ګاوڼډي هیواد په ضد وکارول شوه، روسیه غوښتل چې هغه د افغانستان قبضه کولو وروسته ګرمو اوبو ته ځان ورسوي، خو الله تعالي ته دا منظوره نه وه او په افغانستان کې د لسو کالو انقلاب او د افغانستان مجاهدینو سره د جنګ کولو وروسته متحده شوروي له افغانستان څخه د وتلو اعلان وکړو.
په افغانستان کې ثور انقلاب
د افغانستان په تاریخ کې د ثور انقلاب ډیر لوی تاریخي اهمیت دې، ثور انقلاب هغه سیاسي او پوځي کودتا ته ویل کېږي چې د کال ۱۹۷۹ د اپریل میاشتې ، ۷ د ثور، ۱۳۵۷ کې د خلق ډیموکریټک ګوند له لوري د محمد داود خان پر حکومت وشوه او د هغه حکومت ی ړنګ کړو، دا کودتا چې له افغان پوځی مشرانو له لوري ترسره شوه ، ددې وروسته محمد داود خان چې د افغانستان لومړې ولسمشر وو، قتل کړې شو او د هغه د کورنۍ ډیر کسان هم اووژل شو او د حکومت واګې د خلقیانو او پرچمیانو لاس ته راغلې.
هم ددې کال وړاندې او وروسته د افغانستان وضع ډیره کړکیچنه وه، په افغانستان کې کورنۍ جهګړو سر را اوچت کړې وو او په داسې وخت کې له قندهاره د ملامحمد عمر په مشرۍ کې په افغانستان کې د طالبانو حکومت راځي او په ټول افغانستان کې اسلامي شریعت نافذولو اعلان کوي، ډاکټرنجیب چې د خلق ډیموکریټک ګوند غړې وو د طالبانو په قید کې راځي او بیا وروسته د طالبانو مشران دې خلق ګوند مشرانو ته د مرګ سزا ورکړه او ډاکټر نجیب او ورسره ی نور مشران په دار وخیژول.
ډاکتر نجیب د ۱۹۹۶ کال د سپټمبر په ۲۷مه له خپل ورور شاهپور احمدزي سره یوځای د طالبانو له خوا چې تازه واک ته رسېدلي وو تر شکنجې وروسته ی د کابل په ښار کې اعدام کړل، ډاکټر نجیب د کابل تر سقوط مخکې د ملګرو ملتونو په دفتر کې پناه اخیستې وه، د ډاکتر نجیب له مرګه که څه هم ۲۹ کاله تېرېږي، خو لا هم په افغانستان کې دننه او بهر ګڼ پلویان او مخالفین لري او د یوې اغېزناکه څېرې په توګه ی یادونه کیږي.
نجیبالله د افغانستان د خلق دموکراتیک ګوند د پرچم څانګې غړی له ۱۹۸۶ نه تر ۱۹۹۲ کال پورې د افغانستان ولسمشر پاتې شوی. د هغه حکومت د پخواني شوروي له ملاتړه برخمن وو.
دلته باید یادونه وشي چې د ډاکټر نجیب د ولسمرۍ په دور کې د افغانستان خاوره د پاکستان په ضد په پراخه توګه وکارول شوه، د شوروي اتحاد او افغانستان هوایی ځواکونو به د پاکستان په قبایلي سیمو کې بمبارۍ کولې، د راپورنو ترمخه تورخم بارډر سره نزدې پاړه چنار او لنډي کوتل سیمه کې د شوروي اتحاد او افغان ځواکونو بمبارۍ له وجهې ګڼ شمیر کسان شهیدان شوي وو.
نورخبرونه
د چین موسسه زرغون اسمان افغانستان ته واپس راتلونکو افغان کورنیو سره مرستې کوي