افغانستان ته واپس راتلونکو افغان وګړو لړۍ دوام لري او په داسې وخت کې د افغانستان دوست هیواد چین له لوري ددې هیواد یوې موسسې له لوري دې افغان کډوالو سره انساني مرستې هم دوام لري.
د افغانستان د کډوالو او راستنېدونکو چارو وزارت مسلکي مرستیال مولوي عبدالرحمن راشد د چین د ژغورنې (زرغون اسمان) موسسې له استازي یوپو زینک سره ځانګړې لیدنه کړې ده. .
په دې موقع راشد په دې کتنه کې د افغانستان له خلکو سره د چین د مرستو څخه ځانګړې مننه کړې ده. نوموړي ددې مرستو ترڅنګ له زیانمنو او راستنېدونکو سره د دې موسسې د نورو مرستو غوښتنه وکړه.
دلته ددې خبرې هم باید یادونه وشی چې د چینایي موسسې استازي له راستنېدونکو سره د لازیاتو مرستو او همکارۍ ډاډ ورکړې دې. مهمه ده چې یادونه وشی چې د پاکستان دولت او ایران هم تردې دمه په لکونو غیرقانوني افغان وګړې خپل هیواد ته د واپس رالیږلو پریکړه کړې ده او تراوسه پورې له ایران او پاکستان څخه تر یو میلونه زیات افغان وګړي خپل هیواد افغانستان ته واپس راستانه شوي دي.
نورخبرونه