اسلامآباد ، دسمبر ۲۹، ۲۰۲۵: د افغانستان څخه تازه رپورټونه ښیې چې کال 2025 د نومبر د ډیلي بريد ذمه واري منونکی ډاکټر مظفر احمد افغانستان ته تښتېدلی او دا مهال په غزني کې مېشت دی
څیړونکی وایي چی دی سره د سيمهييزو او نړيوالو امنيتي اندېښنی لا نورې هم زیاتې شوی
ازادي سرچینی وایی چی نوموړی د طالبانو تر ساتنې لاندې ژوند کوي او دی سره د کال ۲۰۲۱ وروسته د افغانستان د امنيتي وضعيت په اړه زړی اندېښنې بيا راژوندۍ شوي
په افغانستان د سرکاری مامورینو له خوا ددې خبر تصدیق نه دې شوې خو بيا هم څیړونکی وایي د ډاکټر احمد په غزني کې شتون به له هغې پراخې بڼې سره سمون ولري چې د طالبانو تر واکمنۍ وروسته ليدل شوې ده؛ يعنې لوړپوړي تندلارې عناصر افغانستان ته کډه شوي، شبکو ته لاسرسی مومي او ايډيالوژيک پناه ترلاسه کوي.
دا بهير د کابل له هغو تکراري ډاډونو سره په ټکر کې دی چې افغان خاوره به د نورو هېوادونو پر ضد نه کارول کېږي
د ملګرو ملتونو د څار ټيم راپورونه پرلهپسې خبرداری ورکوي چې افغانستان د القاعده، تحريک طالبان پاکستان، د ازبکستان اسلامي غورځنګ ، د ختيځ ترکستان اسلامي غورځنګ او داعش-خراسان په ګډون د ګڼو جهادي ډلو لپاره يو اسان چاپېريال ګرځېدلې
دلته دا مهمه ده چې باید یادونه ی وشي چې دا ارزونې د طالبانو لوري د ترهګرو پر ضد د صفر زغم دعوې په څرګند ډول ردوي
امنیتي شنونکي وايي، د ډیلي دا قضيه يوازېنی مورد نه دی، بلکې د خطرناکې زياتېدونکې بڼې برخه ده.
افغانستان په زياتېدونکي ډول نه يوازې د سيمهييز تمرکز لرونکو وسلهوالو لپاره پناهځای بلل کېږي، بلکې د جنوبي اسيا، خليج او مرکزي اسيا ترمنځ د نړيوالو عملياتي شبکو د تړاو احتمالي مرکز هم ګرځي
د طالبانو مشرتابه څو ځله ويلي چې ترهګري د نورو هېوادونو داخلي موضوع ده. خو څارونکي ټينګار کوي چې کله پر بهرنیو بريدونو تورن کسان په افغان خاوره کې راڅرګند شي، نو موضوع حتمي ډول سيمهييزه او نړيواله بڼه خپلوي
دغه پرمختګونه له طالبانو سره د تعامل پر تګلارو هم پوښتنې راپورته کوي. منتقدين وايي، هغه هېوادونه چې د عاديسازۍ، سوداګرۍ يا بشري مرستو له لارې تعامل ته لېواله دي، بايد د امنيتي پايلو حساب ورکړي
په ځانګړي ډول، د افغانستان پر لور د هند ډيپلوماټيک، سوداګريز او بشري اشارې تر اوسه د ترهګرۍ پر ضد د حسابورکوونکو ميکانيزمونو په رامنځته کولو نه دي بدلې شوي
د پاکستان او پراخې سيمې لپاره، شنونکي دا ستونزه جوړښتي بولي، ادعا شوي خوندي ځايونه، ايډيالوژيک ملاتړ، د استخباراتي همکارۍ نشت شفافيت، او د باور وړ امنيتي بنسټونو کمزوري د دې لامل ګرځي چې وسلهوالې ډلې وده او بدلون ومومي
کارپوهان خبرداری ورکوي چې که د باور وړ نيول، خپلواکې پلټنې، او رښتينې د سپارلو همکاري ونه شي، نو افغانستان ښايي د ۲۰۲۱ وروسته د جهادي شبکو د راټولېدو په مرکزي محور بدل شي، چې دا به د سيمهييز او نړيوال امنيت لپاره جدي پايلې ولري
