د بلوچستان د قلات په ضلع کې د نامعلومو وسلوالو ډزو له امله يو قبایلي مشر د دريو نورو کسانو سره يو ځای وژل شوی دی۔
د پوليسو په وينا، پېښه د قلات د تحصيل خالقاباد په سربند سيمه کې رامنځته شوې ده، قبایلي مشر شاکر سعدالله لانګو موټر د نامعلومو وسلوالو له خوا په نښه شو ، پوليسو زياته کړه چې وژل شوو کسانو کې شاکر خيرالله لانګو، محمد کريم، او محمد ظاهر هم شامل دي۔
د سرچینو په وینا د ترهګرۍ پیښې وروسته لېويز ځواکونه سمدستي سيمې ته رسېدلي، سيمه يې محاصره کړې او د پېښې په اړه يې تحقيقات پيل کړي دي۔له دې وړاندې د شنبې په ورځ د قلات د منګچر سيمه کې د دوو ډلو تر منځ نښته شوې وه، چې په پايله کې درې کسان وژل شوي وو۔
پولیس وایی چې وسله وال له دې ځایه تښتیدلي دي او ددوې په ډزو کې یو شمیر کسان ټپیان شوي هم دي، پولیس وایی په سیمه کې د وسله والو چې چا ډزې کړي،پر ضد د پلټنو عملیات روان دي
نورخبرونه: بلوچستان کې فتنه الهندوستان په ضد عملیات، ۷ ترهګر له منځه وړل شوي