پاک افغان سرحد سره نزدې په کرم ضلع کې پر امنیتي ځواکونو برید کې شپږ سرتېري شهید، ۱۴ ټپیان، د کرم ضلعې د سلطان کلی په سیمه کې د امنیتي ځواکونو پر کاروان وسلهوالو برید کړی، چې په نتیجه کې شپږ سرتېري په شهادت رسېدلي او ۱۴ نور ټپیان شوي دي.
د سرچینو له مخې، برید هغه مهال وشو کله چې د امنیتي ځواکونو یو کاروان د معمول د ګزمې په حال کې و.، په برید کې چاودېدونکی کارول شوي دي چې له امله یې د ځواکونو موټرونه په بشپړ ډول وسوځېدل.
تر چاودنې وروسته وسلهوالو پر امنیتي ځواکونو ډزې پيل کړې، چې له امله یې جګړه د څو شېبو لپاره روانه وه او حالات نور هم کړکېچن شول.ټپي سرتېري نږدې روغتون ته انتقال شوي، خو د طبي چارواکو په وینا د ځینو ټپیانو حالت نازک دی.
د پېښې تر وروسته، امنیتي ادارو سیمه کلکه محاصره کړې او د لټون عملیات پیل شوي دي.
تر اوسه هېڅ یوې ډلې د برید ذمه کالعدم ټي ټي پي نه ده منلې خو د لومړنیو شواهدو له مخې، د برید څرنګوالی او د کارونې طریقه د یو ځانګړي وسلهوالې ډلې د لاسوهنې په لور ته اشاره کوي، دا هم باید یادونه وشی چې په قبایلي سیمو کې د یو شمیر ترهګریز او ځانمرګي بریدونه ذمه واري ناقانونه ګرځول شوې ډلې تحریک طالبان پاکستان په خپله غاړه اخستې ده.
نورخبرونه: افغان خاوره له ټي ټي پي لوري د پاکستان په ضد کارول: نوي ثبوتونه او شواهد مخې ته راغلي