د ۲۰۲۵ کال له جون څخه تر سپتمبر پورې د افغان خاورې څخه د خیبر پښتونخوا پر لور د وسله والو داخلیدلو او دلته بریدونه کولو کچه ۳۶سلنه زیات شوي دي۔ د راپورونو له مخې، په دې موده کې شاوخوا ۱۷۲ ډلې او نږدې ۴ زره وسلهوال له سرحد څخه پاکستان ته داخل شوي، چې دا د تېرې مودې په پرتله ۴۸٪ زیاتوالی ښيي۔ په دغو دراندازانو کې نږدې ۸۰٪ افغان اتباع وو۔
ټانک کې د جونو ښوونځې الوځول شوې
د ټانک په کلي والا سهمه ګرہ بډها کې د نجونو د ابتدايي ښوونځي،پرایمري سکول ودانۍ کې نامعلومو کسانو له بارودي موادو لارې چاودنه وکړه او وړاندۍ ی نړولې ده.
د راپورونو له مخې د یاد سکولو ودانۍ تر جوړېدو لاندې و او تر اوسه د جونو په دې پرایمري سکول کې تدریسي فعالیت نه و پیل شوي.
ځايي اوسېدونکي وايي، دا ډول بریدونه د سیمې د نجونو د تعلیم د مخنیوي هڅه ده، او له چارواکو نه یې د سخت اقدام غوښتنه کړې ده۔
د پاکستان د امنیتي ځواکونو د شمېرو له مخې، روان کال تر دې دمه په بېلابېلو عملیاتو کې ۲۶۷ افغان وسلهوال وژل شوي دي۔ دغه عملیات په ځانګړي ډول د ژوب، شمالي وزیرستان او بنو په سیمو کې ترسره شوي، چې د تحریک طالبان پاکستان په شبکو کې د افغان جنګیالیو د زیاتېدونکې ونډې څرګند ثبوت ګڼل کېږي۔
په وروستیو مهمو بریدونو کې د بنو ایف سي مرکزي دفتر، چمن، او کویټه پېښې ټول د افغان وګړو له خوا ترسره شوي۔
دا هم باید یادونه وشی چې د دغو بریدونو مسؤلیت د حافظ ګل بهادر او نورو تړلو ډلو پر غاړه اخیستی دی۔
شنونکي وايي، دا شواهد په ډاګه کوي چې د افغانستان له خاورې د ترهګریزو بریدونو خطر لا هم موجود دی، او د دواړو هېوادونو ترمنځ د امنیتي همکارۍ نشتوالی د سیمهییز ثبات لپاره یو جدي ګواښ جوړېږي، دفاعي څیړنګار وایی چې په داسې وخت کې د دوحه تړون د پیاوړي کولو اړتیا ده او باید منځګړي هیوادونو په افغانستان فشار راوړي چې له افغان خاورې ترهګر اوباسي.
دا هم مهمه ده او باید یادونه وشی چې بیګا د شپې په ټانک کې د جونو پرایمري سکول په بارودي موادو الوځول هم په دې سیمه کې یو ځل بیا په اولس کې د ډار او ویرې لامل جوړ شوې دې
نورخبرونه
خیبر پښتونخوا کې ترهګري: د ترهګرۍ پیښو مهم رپورټ جاري شوې
خیبر پښتونخوا کې ترهګري: اغیزمنو اقلیتي کورنیو سره د مرستې پریکړه