اسلاماباد : د پاکستان د بهرنیو چارو وزارت ویاند طاهر اندرابي په اوونیز میډیا بریفنګ کې ویلي دي چې پاکستان د ترهګریز بریدونه قرباني پاتې شوې دې نو ځکه وړمه ورځ د امریکا په واشنګټن ډي سي کې ترهګریز برید په سختو ټکو کې غندي
د پاکستان وزارت خارجه ویاند وویل چې پاکستان پر ضد چې کوم بریدونو شوي د هغو ټولو بریدونو په اړه پلانونه او اړیکې افغانستان سره نښلی او دا پلانونه په څرګنده توګه افغانستان سره تړاو لري
ویاند طاهر اندرابي د جمعې ورځې په اونیز خبري بریفنګ کې وویل چې په واشنګټن ډي سي کې د ډزو پېښه کې وژل شوي امریکايي پوځی سره ژوره خواخوږي څرګندوو، او د ټپیانو د ژر رغېدو لپاره دعا کوو. هغه وویل، چې په امریکا کې پر یو ځانګړي هدف برید بې له شکه د امریکا په خاوره یو لوی جدي ترهګیز برید دې
د ویاند په وینا، پاکستان د کلونو په اوږدو کې د ترهګرۍ ګڼې پېښې تېرې کړي، او د پاکستان پر ضد شویو بریدونو ریښې روښانه ډول له افغانستان سره لګېږي. هغه زیاته کړه چې د واشنګټن پېښه په نړیواله کچه د ترهګرۍ د اندېښمنو فعالیتونو بیا راڅرګندېدل ښيي، او نړیواله ټولنه باید د ترهګرۍ ضد ګډو هڅو ته چټکتیا ورکړي
طاهر اندرابي زیاته کړه چې په تاجکستان کې درې چینایي اتباع د وژلو پېښه هم په کلکه غندو، او له افغانستانه غواړو چې د خپلې خاورې د کارولو له لارې په سیمه کې د ترهګرۍ مخه ونیسي. هغه وویل چې پاکستان د ستونزو سولهییز حل پلوی دی.
ویاند اوویل او ټینګار ی وکړو چې د هند له اړخه د سند د ایالت په اړه څرګندونې د تشو خیالونو او مفروضې پر بنسټ ولاړې دي، زیاته ی کړه چې پاکستان به د خپل ملي دفاع په برخه کې هېڅ ډول سازش و نه مني
هغه د مقبوضه کشمیر پر وضعیت په سختو ټکو خبرې وکړې او وې ویل چې کشمیریان د هندي ځواکونو له جبر، زندانونو، شکنجې او وحشیانه ظلم سره مخ دي. د ویاند په وینا، پاکستان د خبرو اترو له لارې د شخړو سولهییز حل غواړي، خو د ملګرو ملتونو د متخصصینو وروستۍ راپور ښيي چې د مقبوضه کشمیر د بشري حقونو سرغړونې نړي ته راښکار شوي دي او شاوخوا ۲۸۰۰ کشمیریان د هند په زندانونو کې دي
طاهر اندرابي وویل چې پاکستان له نړیوالې ټولنې غواړي چې پر هند د جبري اقداماتو د ختمولو او د بندیانو د خوشې کولو لپاره فشار زیات کړي. هغه وویل پاکستان ته د تاریخي بابري جومات پر ځای د مندر د بېرغ پورته کېدو په تړاو ژورې اندېښنې شته، او په هند کې د لږکیو، په ځانګړي ډول د مسلمانانو پر ضد د کرکې د زیاتېدو پر دوامداره اقداماتو سخت اعتراض لرو
د بهرنیو چارو وزارت ویاند څرګنده کړه چې پاکستان د اسراییلو له خوا پر فلسطین په ځانګړي ډول پر غزه د خونړیو بریدونو کلکه غندنه کوي. په دې حملو کې ګڼ شمېر بېوسه ملکي وګړي، په ځانګړي ډول ښځې او ماشومان، شهیدان شوي دي.
له دې وړاندې هم ویاند د افغانستان او تاجکستان په سرحدي سیمه کې د افغان لوري د ډرون برید په کله غندنه وکړه او غوښتنه ی وکړه چې دا بریدونه سیمه ایز امنیت لپاره ستر ګواښ دې .
مهمه ده چې یادونه وشی چې د تاجکستان حکومت هم منلې او تاید کړې ده چې له افغان لوری ددوی پر سیمه ډرون برید شوې دې چې په پایله کې د یوې چینایی کمپنۍ درې چینایی وګړو ژوند له لاسه ورکړ
نورخبرونه
افغانستان لوري د چینايي کارکوونکو پر ضد وسلهوال ډرون بریدونه شوی: تاجکستان
پاکستان له افغان خاورې په تاجکستان د ډرون برید غندلی، دا ی یو لوی جدي ګواښ ګرځولې