دوبۍ کې روان نړیوال ایئرشو ۲۰۲۵ پر مهال هندي پيلوټانو د پاکستان هوايي ځواک پویلین دوره کړې ده او د پاکستاني پيلوټانو سره یې مخامخ ملاقات وکړ
په رسنیو داسې انځور خپور شوې چې درې هندي پیلوټان یا د هند هوایی ځواک افسران چې په سرکاري یونیفور کې دي ، د پاکستان د جې ایف ۱۷ تندر الوتکې د پویلین مخې ته دي او پاکستاني پیلوټ سره خبرې کوي او دواړه لوري پیلوټان مسکا کوي
هندي پيلوټانو د پاکستان جې ایف ۱۷ تندر جنګي الوتکو ترڅنګ انځورونو هم اخیستل شوي او د لیدنې پر مهال پاکستاني پیلوټانو هندي پیلوټانو ته د چای څښلو دعوت هم ورکړو
یادونه کېږي چې د مې میاشتې په نښته کې د پاکستان او هند ترمنځ د هوايي ټکر وروسته، د پاکستان هوايي ځواک شهرت په نړیواله کچه ولیدل شو ، ویل کېږي چې پاکستان په دې جګړه کې د رافیل په شمول د هند ۶ تر ۷ جنګي الوتکې رانسکورې کړې وې
مهمه ده چې یادونه وشی چې د امریکا د پخواني ولسمشر ډونلډ ټرمپ په ګډون ګڼو نړیوالو څېړونکو او دفاعي کارپوهانو څو څو ځله پر دې اعتراف کړی دی چې پاکستاني جنګي الوتکو د هندي الوتکې رانسکورې کړي دي او هند ته ی په یو تاریخي فضایی جنګ کې ماتې ورکړې ده
د عام ولس غبرګون
په ټولنیزو رسنیو د دوبۍ ایئرشو ۲۰۲۵ کې د پاکستان هوايي ځواک او هندوستان هوايي ځواک د افسرانو ترمنځ د مسلکي او ښې اړیکې یوه بېلګه ښکاره کوي.
د راپورونو له مخې، هندي پیلوټان د پاکستان هوايي ځواک پویلین ته ورغلي وو، چېرې چې هغوی ته د جې ایف ۱۷ تندر جنګي الوتکې د وړتیاوو او ځانګړتیاوو په اړه معلومات ورکړل شول. د ملاقات پر مهال هندي افسرانو دجې ایف ۱۷ تندر الوتکې ترڅنګ یادګاري عکسونه هم اخیستي.
په انځور کې ښکاره لیدل شي چې د پاکستان هوايي ځواک اهلکارانو او پیلوټانو د هند هوایی ځواک پیلوټانو او افسرانو د هرکلي لپاره یو مسلکي او دوستانه چاپېریال برابر کړی و او د مېلمه پالنې په توګه یې هغوی ته د چای څښلو وړاندیز هم کړې چې دا صحنه د ټولنیزو رسنیو کاروونکو لخوا ستایل شوې
پوځې او هوايي چارو شنونکي وايي چې د دواړو هېوادونو د اوږدمهاله پوځي سیالۍ او تاوتریخوالي په تاریخ کې دا ډول تعامل ډېر کم لیدل کېږي خو په نړیواله کچه ایئرشوګانې د هغو محدودو ډیپلوماټیکو ځایونو څخه دي چېرې چې د دواړو هوايي ځواکونو افسران یو بل سره د مخامخ کیدلو فرصت ترلاسه کوي
د هند هوایی ځواک مشرانو هندي پیلوټانو پر ضد پلټنې پیل کړي
راپورونه وایي چې د هندوستان هوايي ځواک لخوا پلټنې پیل شوې دي،دا پلټنې وروسته له هغې پیل شوي چې د دوبۍ ایئرشو ۲۰۲۵ پر مهال د هند هوایی ځواک افسران د پاکستان جې ایف ۱۷ تندر جنګي الوتکې ترڅنګ د عکس اخیستلو په یو وایرل شوي انځور کې ښکاره شول
په ټولنیزو رسنیو کې خپاره شوي معلوماتو له مخې، د هند هوایی ځواک افسرانو نه یوازې د جې ایف ۱۷ الوتکې ترڅنګ عکسونه اخیستي، بلکې د پاکستان هوايي ځواک ،پی اې ایف له پیلوټانو سره یې دوستانه خبرې هم کړي او د پاکستان پیلوټانو لوري د مېلمه پالنې په توګه هندي افسرانو ته د چای وړاندیز هم وکړو
د هندي رسنیو د ادعا له مخې، د پلټنې اصلي لامل دا دی چې جې ایف ۱۷ الوتکې هغه الوتکې دي چې د پاکستان لخوا د ۲۰۱۹ فضایي جګړې پر مهال د هند پر ضد کارول شوې وه، او په دې اړه د عامو خلکو او جګپوړو پوځي حلقو دننه بحثونه راپورته شوي چې یو شمېر افسران ولې د “دښمن وسلې” ترڅنګ عکسونه اخلي.
سرچینې وايي چې هندي فضایی ځواک لوړ پوړه افسرانو د هغو افسرانو تر پوښتنو لاندې راوستلو پروسه پیل کړې ده چې په انځور کې ښکاري، او څېړنه به وڅېړي چې آیا دوی د ادارې د پروتوکول کوم سرغړونه کړې که نه
په ورته وخت کې، د دفاعي شنونکو یوه ډله وايي چې په نړیوالو ایئرشوګانو کې د پوځي افسرانو د مسلکي تعامل او عکس اخیستلو موضوع نورمال بینالمللي عمل دی، خو جنجال د هند او پاکستان د تاریخي دښمنۍ له امله راولاړ شوې دې
نورخبرونه: د پاکستان بریا په نړیوال کچ اومنل شوه : امریکا تاید کړې چې پاکستان هند ته ماتې ورکړې