د وزير اعظم هاؤس لخوا جاري شوی بيان ترمخه قامی سلامتیا کمېټۍ غونډه کښې د ايران خلاف اسرائیلیږ جارحيت وروستو منطقه کښې پيدا شوي صورتحال په معامله خبري شويدی.کميټۍ د ايران او امريکې ترمينځ مذاکراتو دوران په ايران د اسرائيل په حملو د افسوس اظهار کړيدے او وئيلی ئې دی چې دې حملو لوجی تاوتريخوالی سيوا شويدے او د ايران جوهري پروګرام شخړه د خبرو او سفارتکارۍ د لارې د حل کيدو موقعې ضائع شويدی .
اين ايس سی کمېټۍ فيصلې ترمخه ايران د متحده قامونو د چارټر مطابق د خپل دفاع حق لری. د قامي سلامتيا کميټۍ اعلامیې ترمخه پاکستان په دويشتم جون د ايران په نطنز،فرډو او اصفهان جوهري تنصيباتو باندے د امريکې په حملو تشویش لری او دا حملے د متحده قامونو د چارټر ، د نړیوال توانائۍ ايجنسۍ قراردادونو او نړيوال قوانينو خلاف ورزی ګنی.اعلاميه کښې وئيلی شويدی چې د منطقې امن او استحکام لپاره به د پاکستان کوششونه جاری وی.
اعلاميه کښې زياته کړي شويده چې فريقين دې د نړيوال بشري حقونو او قوانينو پاسداري وکړی او د متحده قامونو د چارټر مطابق دې د سفارتکارۍ او د مذاکراتو د لاری خپل مينځي کشالې ختم کړی. قامي سلامتيا کميټۍ اجلاس کښې. فيلډ مارشل عاصم منير ،د پاک فضاييه او د سمندري ځواکونو د مشر په علاوه وفاقی وزيرانو شرکت کړې وو.
وزير اعظم شهباز شريف په داسې حال د قامي سلامتي کميټۍ اجلاس رابللې ووچې د ايران او اسرائيل ترمينځ تاؤتريخوالې کښې ورځ تر بله سيوا والي راغلې دے او په ايران د امريکې حملو صورتحال بدل کړيدے