لنډي کوتل: د فرنټیر کور نارتھ او خیبر رایفلز ترسیوري لاندې او د روټس سکول سسټم پاکستان او الشفا آیی ټرسټ راولپنډي په مرسته په لنډي کوتل کې نن د چهارشنبې په ورځ دوه ورځنۍ د سترګو وړیا طبي کېمپ په بریالیتوب سره پای ته ورسیدو
د میډیکل کیمپ تابیا کوونکو ترمخه ددوی بنیادي مقصد دا ددې چې په قبایلي سیمه لنډي کوتل کې ځایی اولس ته معیاري او وړیا طبي سهولت ورکړي.
د خیبر رائفلز کمانډنټ، کرنل سید احمد، په دویمه ورځ د کېمپ دوره وکړه او د بېلابېلو څانګو معاینه یې وکړه. نوموړي د برابر شوو طبي اسانتیاوو او انتظاماتو مفصل جاج واخیست، د طبي عملې هڅې یې وستایلې او ناروغانو ته پر ورکړل شوو خدمتونو او سهولتونو یې خوښي او ډاډ څرګند کړ
د وړیا سترګو (آی) کېمپ پر مهال ټولټال ۲۴۶۳ ناروغان معاینه شول. متخصص ډاکټرانو او پېرېمیډیکل کارکوونکو د ناروغانو بشپړ معاینات ترسره کړل او د هغوی د ناروغیو تشخیص یې وکړ
اړمنو ناروغانو ته وړیا درمل ورکړل شول، او د نظر د کمزورۍ لرونکو کسانو ته وړیا عینکې هم ورکړل شوې، سربېره پر دې، هغه ناروغان چې له پېچلو ناروغیو سره مخ وو، د لا نورو درملنو او تعقیبي معایناتو لپاره اړوندو روغتونونو ته را او غوښتل شول
ځايي مشران او د سیمې اوسېدونکو د امنیتي ځواکونو دغه فلاحي ګام وستایه او دا یې د ولسي خدمت یو مثبت او د ستاینې وړ اقدام وباله. هغوی هیله څرګنده کړه چې په راتلونکي کې به هم د همدې ډول طبي کېمپونو لړۍ دوام ومومي، څو د لرې پرتو سیمو اوسېدونکو ته د هغوی پر کورونو نږدې طبي اسانتیاوې برابرې شي.
رحمان الله افریدۍ چې د آل خیبر اتحاد کمیټۍ یو غړې دې ایچ ټي این پښتو ته ی وویل چې ویړیا میډیکل کیمپ تابیا کوونکو تنظیمونو څخه ځانګړې مننه کوي ځکه چې دلته په لنډی کوتل کې ځایی اولس د صحت سهولتونو د کموالي د ستونزو سره مخې دې
هغوی وویل چې په لنډي کوتل روغتون کې د ځایی اولس ته د صحت اسانتیاوې د نشت برابرې دي ،زیاته ی کړه چې که ډاکټران وی نو په دې ورغتون کې ویړیا دوایانې نه ورکول کیږي
هغه وویل چې ځایی اولس د ایف سي ځواک څخه هم ځانګړې مننه کړې چې د سترګو د علاج دا کیمپ ی ولګولو او په سلګونو خلکو ترې ګټه پورته کړه