د چین د بهرنیو چارو وزیر وانګ ژی ویلي دي چې د پاکستان پوځ د ملي ثبات ستن ده او د پاک ـ چین دوستۍ او همکارۍ قوي ساتونکی ګڼل کېږي
د چین د بهرنیو چارو وزارت د فیلډ مارشل سید عاصم منیر او د چین د بهرنیو چارو وزیر وانګ ژی ترمنځ د مهمې لیدنې په تړاو خپل رسمي بیان خپور کړی دی
وانګ ژی د پاکستان فیلډ مارشال جنرال عاصم منیر سره د مهمې لیدنې پر مهال ویلي، د پاکستان پوځ تل د دواړو هېوادونو د مشرتابه ترمنځ د رامنځته شویو مهمو موافقو په پلي کولو کې پوره ملاتړ کړی دی
د چین د بهرنیو چارو وزیر ټینګار وکړ چې چین تل په خپله ګاونډیزه دیپلوماتي کې پاکستان ته لومړیتوب ورکړی دی. ده وویل، سره له دې چې وخت ډېر سخت ازموینې راوړي دي، بیا هم د پاکستان او چین اړیکې نورې هم پیاوړې شوې دي او دواړه هېوادونه د یو بل سره په یوه قوي تاریخي دوستۍ ولاړ دي.
هغه زیاته کړه چې چین په نړیوالو چارو کې د پاکستان د مهم رول هرکلی کوي
فیلډ مارشل سید عاصم منیر د خبرو پر مهال وویل چې چین د پاکستان یو ډیر لوی قوي دوست دی. دواړه هېوادونه تل د یو بل د خوښۍ او غم په وخت کې یوځای پاتې شوي دي. د پاکستان او چین ستراتیژیک شراکت د یو لوی اوچت غر په څېر کلک دې او د چین سره دوستانه اړیکې د ټول پاکستاني ولس ګډ دریځ دې.
فیلډ مارشل عاصم منیر د پاکستان د اقتصادي او ټولنیزې ودې لپاره د چین د مشرتابه له قېمتي مرستو څخه مننه وکړه
د پاکستان د پوځ مشر زیاته کړه چې پوځ د ترهګرۍ پر ضد د مبارزې او د امنیتي همکارۍ د پیاوړتیا لپاره چمتو دی. ده وویل، په پاکستان کې د چینایي کارکوونکو، پروژو او ادارو د خوندیتوب هڅې دوام لري او پاکستان ژمن دې چې د چین وګړو ژوند او مال به په بشپړه خوندي وساتلې شي
هغه په ټینګار وویل چې د پاک ـ چین دوستۍ د لا پیاوړتیا لپاره به اقدامات کېږي او د پرمختګ پر لور به ګډ سفر دوام وکړي