د پاکستان حکومت د تیرې یکشنبې په ورځ ۱۲ اکتوبر د افغان طالبانو لوري د پاکستان په سرحدی پوستو د برید وروسته له افغانستان سره خپل ټول سرحدونه وتړل، د ورستیو کړکېچونو له کبله د سپين بولدک دروازه هم د عام تګ راتګ او سوداګریزو فعالیتونو پر مخ وتړل شوه.
اوس تازه راپورونه وايي، پاکستاني لوري د سپين بولدک دروازه بېرته د سوداګرۍ پر مخ پرانيستې.
تر دې وړاندې د افغانستان او پاكستان د سوداګرۍ ګډې خونې له پاکستان حکومته د سوداګرۍ پر مخ د لارو د ژر تر ژره خلاصېدو غوښتنه کړې وه. ويل کیږي تر اوسه خلکو ته د تګ راتګ اجازه نه ده ورکړل شوې. ځایی اولس او سوداګر د پاکستان او افغانستان ترمنځ د نورو تړل شوو دروازو د پرانستلو غوښتنه هم کوي، سوداګر او عام مزدورکار خلک وایی دوی د سختو مالي ستونزو سره مخ دي او باید پوله د عام تګ راتګ او تجارت پر مخ خلاصه کړي.
نورخبرونه
افغانستان لوري برید: پاکستان خپل ټول سرحدونه د احتجاج په توګه وتړل