د بهارت سول ايوي ايشن محکمې ترمخه د ائيرانډيا يوه الوتکه چې پکښې د جهاز د عملې بشمول 242 کسان سواره وو د احمدآباد ائيرپورټ نه ټيک آف کولو نه پنځه منټه پس ميګهاني نګر علاقه کښې غورځيدو لوجې تباه شويده ۔
په متاثره الوتکه کښې د هند 169 ،د برطانيې 53،د پرتګال اووه او د کينډا يو مسافر سواره وو۔تباه شوي الوتکه د احمد آباد نه د مقامي وخت مطابق شل منټه کم دوه بجے ټيک آف کړي او دا الوتکه د لندن ګيټ واک ائيرپورټ ته تلونکې وه ۔ سول ايوي ايشن ډائريکټر فيض احمد قدوائي بيان ترمخه الوتکه کښې دوه تجربه کار پائيلټان سواره وو او د ائيرپورټ نه پورته کيدو نه پس ائير ټريفک کنټرول ته مے ډے کال ورکړې شوي وو ولې وروستو بيا د الوتکې د عملې سره څه قسم رابطه نه وه شوے
۔ د وزيراعظم نريندر مودي په هدايت داخله وزير اميت شاه او د هوابازۍ محکمې وزير رام موهن احمدآباد ښار ته تلي او د صورتحال جائزه ئې اخستي ده ۔د احمد آباد پوليسو مشر وئيلي دي چې الوتکه د ائيرپورټ حدود سره نزدې د ډاکټرانو په يو هاسټل غورځيدلې وه ۔ د حادثې نه پس احمد آباد ائيرپورټ باندې د پروازونو تګ راتګ په عارضي توګه معطل کړي شوېدے ۔ د حادثې ابتدائي رپورټ ترمخه الوتکه د تکنيکي خرابۍ لوجې رامخې ته شوي وه ۔
د ايوي ايشن سيفټي نيټ ورک ډيټا بيس ترمخه بوئنګ 787 الوتکې د غورځيدو دا وړومبې واقعه وه