د پاکستان د استخباراتي ادارو له خوا د پاکستان په ضد د هند يو بل ترهګريز پلان شنډ شوې، هند استخباراتي ادارو د “آپريشن سندور” د ناکامۍ وروسته د پاکستان پر ضد نوې سازشونه پیل کړي دي
په اسلاماباد کې د يو ګډ مطبوعاتي غونډې پر مهال د اطلاعاتو وزير عطا محمد تارړ او د کورنيو چارو د وزير مملکت طلال چوهدري وويل چې د پاکستان امنيتي ادارو د هند دغه تازه سازش وختي کشف او ناکام کړ، او د هند لپاره جاسوسي کوونکي اعجاز چې یو ماهي نیوونکې دې، د هغه اعترافي ويډيو يې هم خپره کړه
عطا تارړ وويل چې د “آپريشن سندور” له ناکامۍ وروسته هند د جعلي تبليغاتي مهمونو پيل وکړ. د هند استخباراتي ادارو د اعجاز په نوم يو پاکستانۍ ماهي نیوونکې له سمندره ونيولو، هغه يې نامعلوم ځای ته يووړ او د جاسوسۍ لپاره يې ورنه غوښتنه وکړه او ګواښ ی ورکړو ، که کار ونه کړې، جېل ته به ولاړ شې۔
اعجاز په ویډیو کې دا اومنله چې هغه ته امر شوې وو چې د پاکستان د پوځ، بري ځواک او رېنجرز يونيفورمونه، د موبايل سيمونه او زاړه د۵۰ او ۱۰۰ روپۍ نوټونه هم راټول کړي، وې ویل چې بیا مې ددې ټولو توکې تصویر د هند استخباراتي افسر اشوک کمار ته ولیږل، وې ویل چې د اکتوبر په مياشت کې د هند پر لور روان شو، د پاکستان امنيتي ادارو هغه ونیول
عطا تارړ وويل، اعجاز نيول دا ثابته کړه چې د پاکستان استخباراتي او امنيتي ادارې د هېواد د پولو د دفاع او امن لپاره بشپړ بيدارې او چمتو دي او د هند ټولې هڅې چې ددې هیواد په ضد دوام لري ، د ناکامۍ سره به ی مخ کړي
ده زياته کړه چې د هند د پاکستان ضد مهمونه د هغه د ديپلوماټيک او پوځي ناکاميو ښکاره نښه ده۔ پاکستان د نړيوال وقار او اعتبار په لور روان دی، او هند دا نه شي زغملای نو ځکه ی د پاکستان په ضد جعلي پروپیګنډې پیل کړي دي
د وزير په وينا، هند د ګجرات او ګچهه ترڅنګ د پوځي تمرينونو په پلمه د پاکستان پر ضد تخريبي فعاليتونه پيل کړل، دا تمرينونه د پاکستان ضد پروپیګنډا او د جاسوسۍ د پټ پلان برخه وه۔ د پاکستان امنيتي ادارو د هند د استخباراتي شبکې دا سازش شنډ کړ
د طلال چوهدري څرګندونې
وزير مملکت طلال چوهدري وويل چې لومړی د هند پلان آپريشن سندور و، اوس يې آپريشن پروپيګنډا پیل کړې دې، هغه زياته کړه چې د پاکستان رسنيو د حق او رښتينولۍ جګړه نړيوال ډګر ته يووړه، او دا لومړی ځل نه دی ، له دې وړاندې ی هم د پهلګام په کيس کې د چينايي سېټلايټ فون جعلي کيسه جوړه شوې وه۔
په دې مطبوعاتي غونډه کې د اعجاز ملاح او د هغه د هندي ملاتړ لرونکو تر منځ د تليفوني خبرو غږيز پيغامونه هم خپاره شول۔عطا تارړ وويل، پاکستان دا موضوع نړيوالې ټولنې ته رسوي، څو د هند دا نوې ترهګريزه هڅه د نړۍ مخې ته راشي۔ ده زياته کړه چې کله چې د جعفر ایکسپریس پېښه وشوه، ددې ترهګریز پیښې ویډیو تر ټولو لومړی د هندي ټلويزيونونو پر سکرین خپره کړې شو او اوس افغان وزیرخارجه هم د هند په اشاور له کشميره بيانونه ورکوي، نوموړي په افغان چارواکو طنزینه نیوکه وکړه چې ددوی خو هیڅ کوم اهمیت نشته