د تورخم پوله په سیمه کې د پاکستان او افغانستان ترمنځ مهمه سرحدي لار د افغان کډوالو د بېرته ستنېدو لپاره بیا پرانیستل شوې ده. د ننګرهار ولایت کې د طالبانو د اطلاعاتو او کلتور ریاست رئیس، قریشي بدلون، ویلي چې پاکستاني چارواکو د افغان کډوالو د اسانتیا او د هغوی د ستنېدو بهیر د چټکتیا لپاره د پولې د پرانیستلو پرېکړه کړې ده.
د یادونې وړ ده چې تورخم پوله تېره پنجشنبه هم د لنډ وخت لپاره د کډوالو د ستنېدو په موخه پرانیستل شوې وه، خو وروسته بېرته وتړل شوه. وروستی پرمختګ د دواړو هېوادونو ترمنځ د اوږدې مودې کړکېچ د کمېدو یو مثبت نښه بلل کېږي. دغه مهمه سرحدي نقطه له تېرو درېیو میاشتو راهیسې د هر ډول تګ راتګ لپاره تړلې وه، چې اصلي لامل یې د طالبانو او پاکستان ترمنځ سیاسي او سرحدي اختلافات او امنیتي اندېښنې وې
زرګونه افغان کورنی
د پولې د بندېدو له امله زرګونه افغان کورنیو له سختو ستونزو سره مخ وې او سوداګریز فعالیتونه هم درېدلي وو. شنونکي وایي، د کډوالو لپاره د پولې پرانیستل د بشري همدردۍ له مخې یو مهم ګام دی، خو د دوامداره حل لپاره د دواړو هېوادونو ترمنځ پرلهپسې او جدي مذاکرات ضروري دي