د پاکستان فیلډ مارشل عاصم منیر د دوشنبې په ورځ د ملي امنیت په اړه تېز او ښکاره پیغام ورکړی او ویلی دی چې پاکستان یو سوله غوښتونکی هیواد دی، خو د خپل حاکمیت، وقار او سرحدي حدبندۍ او سرحدي امنیت په اړه هیڅ کوم جوړ جاړې نه کوي، هغوی خبرداری ورکړو چې که پر پاکستان جګړه وتپل شي، غبرګون به ی “بالکل د مې ۲۰۲۵ په څېر” وي
هغوی دا خبرې په ایوانِ صدر کې د اردن د باچا عبدالله دویم په ویاړ د سرکاری ضيافت پر مهال کړی. فیلډ مارشل منیر وویل چې پاکستان سوله غواړي، خو د خپل ملي بقا په بدل کې نه. دوی زیاته کړه: “کله چې مسلمان پر الله باور وکړي، نو د دښمن طرفته غورځول شوې خاوره هم پر توغندي بدلېږي
ښکاره او سټراټیژي پیغام
پوهان وایی چې د مې ۲۰۲۵ یادونه یو واضح سټراټیژي خبرداری دی چې د هغو واځبی متناسب اقداماتو لوری ته اشاره کوي چې پاکستان د هماغه کال د سیمهییزو ترینګلتیاوو پر مهال ترسره کړي وو. دا بیان د سیمهییزو تاوتریخوالو په زیاتېدو کې د پاکستان د بازدارۍ پیغام پیاوړی کوي
ایمان، یووالی او ملي عزم
فیلډ مارشل عاصم منیر وویل د پاکستان بریاوې تل د ایمان، یووالي او الهي مرستو له برکته تر لاسه شوې دي، او د هند سره د پخوانیو جګړو بېلګې یې یادې کړې. ده وویل چې د پاکستان ملي مقاومت د ولس د ګډ ځواک انعکاس دی.
هغوی په دی خبره ټينګار اوکړو چې د پاکستان کامیابي د الله د مرستې او د امت د یووالي نتیجه ده
ده د غزوې احد د مثال په راوړلو سره په ملي ازموینو کې د صبر، استقامت او کلک باور ارزښت روښانه کړو
د اردن–پاکستان اړیکې
په دغه ضيافت کی د پاکستان ولسمشر آصف علي زرداري، صدراعظم شهباز شریف، لوړپوړي پوځي او ملکي چارواکي موجود وو. دا مراسم د باچا عبدالله دوهم د رسمي سفر یوه مهمه برخه وه، چې پکې دواړو هېوادونو د دفاعي، سفارتی او اقتصادي اړیکو د لا پیاوړتیا ژمنه تازه کړه. د دواړو لورو چارواکو په ځانګړې توګه د ترهګری په ضد مبارزې، پوځي روزنې او علاقایی امنیت په برخو کې د ژورې همکارۍ پر اړتیا ټینګار وکړو