وزیراعظم محمد شهباز شریف له یو لوړپوړي وفد سره د قطر په رسمي سفر دوحې ته رسېدلی دی، چې هدف یې د دواړو هېوادونو ترمنځ د اړیکو لا پیاوړتیا ده
په دوحه کې تود هرکلی او ګارډ آف آنر
په هوایي ډګر کې د قطر د بهرنیو چارو د دولت وزیر سلطان بن سعد المریخي د وزیراعظم هرکلی وکړ. قطري پوځ د تشریفاتي ګارډ آف آنر مراسم ترسره کړل او د ښار مهمې لارې د پاکستان او قطر په بیرغونو ښکلي شوې وې
د سفر په جریان کې به وزیراعظم شهباز شریف د قطر له امیر شیخ تمیم بن حمد آل ثاني سره ځانګړې لیدنه وکړي، چې پکې به د اقتصادي همکاریو، پانګونې او سوداګرۍ د پراختیا په اړه خبرې وشي
د خبرو مهم موضوعات
په اجنډا کې به د انرژۍ، LNG، زیربنايي پروژو، کارګرانو فرصتونو، او سیمهییز امنیت په ګډون مهمې موضوعات شامل وي. دواړه مشران به د منځني ختیځ او نړیوالو حالاتو په اړه هم نظرونه تبادله کړ تمه کېږي چې دواړه هېوادونه به د اوږدمهاله اقتصادي همکاریو لپاره نوي چوکاټونه هم وڅېړي، څو د شراکت اړیکې لا پیاوړې شي
لوړپوړی پاکستانی وفد
په دې سفر کې د وزیراعظم ترڅنګ د بهرنیو چارو وزیر اسحاق ډار، د اطلاعاتو وزیر عطاالله تارړ، ځانګړی سلاکار طارق فاطمي او د نړیوالو رسنیو ویاند مشاهد زیدي شامل دي
دا سفر د پاکستان او قطر ترمنځ د برادرانه اړیکو د نوې مرحلې په توګه ګڼل کېږي، چې هدف یې د ستراتیژیک شراکت پراخول او سیمهییز ثبات ته وده ورکول دي