د افغانستان د نیمروز ولایت په زرنج هوایي اډه باندې، ګمان کیږي چې د جبهۀ استقلال جنګیالیو برید کړی، چې له امله یې هلته موجود یو هیلیکوپټر بشپړ ویجاړ شو. راپورونه وايي، برید د شپې په وخت ترسره شوی او د هوایي اډې دننه پوځي تجهیزات یې زیانمن کړي دي
سرچینې
سرچینې وایي، د برید وروسته د هوایي اډې شاوخوا امنیتي تدابیر سخت کړل شول او د پېښې تفصیلات راټولول پیل شوي دي. لومړني راپورونه ښيي چې بریدګرو د اډې دننه پارک شوی هیلیکوپټر په نښه کړی او هغه یې بشپړ ویجاړ کړی
تر اوسه د دې پېښې په اړه د طالبانو له خوا کوم رسمي بیان نه دی خپور شوی. د امنیتي شنونکو په وینا، په نیمروز او شاوخوا سیمو کې په دې وروستیو کې د مختلفو مقاومت ګروپونو او د طالبانو ځواکونو ترمنځ کشیدګي زیاته شوې ده