د سي ټي ډي خیبر پښتونخوا د ناقانونه تحریک طالبان پاکستان، ګل بهادر ګروپ، جماعت الاحرار او لشکر اسلام په څېر خطرناکو ډلو پر ضد د روانو عملیاتو مفصل راپور خپور کړی، چې له مخې یې په تېرو شپږو کلونو کې د ترهګرو شبکو ته دروند زیان اوښتی دی
د عملیاتو شمېر او پایلې
د راپور له مخې، په تېرو شپږو کلونو کې ټولټال ۱۵,۴۰۳ استخباراتي عملیات ترسره شوي، چې پکې ۱۵۵۷ ترهګر وژل شوي او ۴۴۸۷ نیول شوي دي. همدارنګه ۲۸۷ نیول شوو ترهګرو ته محکمو د جرم ثابتېدو وروسته سختې سزاوې اورولې دي
د ۲۰۲۶ کال کارکردګي
په ۲۰۲۶ کال کې عملیات نور هم چټک شوي دي. تر اوسه ۸۱۸ عملیات ترسره شوي، چې له امله یې ۲۴۳ ترهګر وژل شوي او ۸۴ نیول شوي دي. ځینو ته محکمو سزاوې هم ورکړې دي، چې دا د امن د ټینګښت لپاره د سي ټي ډي مسلکي وړتیا ښيي
د ناقانونه ډلو پر ضد کړۍ تنګې شوې
د سي ټي ډي چارواکي وايي، دا عملیات د دقیقو استخباراتي معلوماتو پر بنسټ کېږي، څو د ترهګرو ملاتړي او مالي شبکې له منځه یووړل شي. د راپور له مخې، د ګل بهادر ګروپ او جماعت الاحرار په ګډون پر نورو توندلارو ډلو کړۍ لا پسې تنګه شوې، څو د خلکو د سر او مال ساتنه یقیني شي