ایشین ڈویلپمنٹ بینک د پاکستان د اقتصادي وضعیت په اړه تازه راپور خپور کړی، چې پکې د هېواد د اقتصاد د ثبات او د ودې په سرعت کې د پام وړ زیاتوالي وړاندوینه شوې ده. د راپور له مخې، د روانو اقتصادي اصلاحاتو او د پانګونې د زیاتوالي له امله د پاکستان GDP تر مالي کال ۲۰۲۷ پورې ۴.۵ سلنه ته د رسېدو امکان لري
اقتصادي وده او ثبات
د ADB راپور وایي چې د پاکستان د اقتصادي ودې کچه به چې په مالي کال ۲۰۲۶ کې ۳.۵ سلنه اټکل شوې، په ۲۰۲۷ کې به ۴.۵ سلنه ته لوړه شي. د دې مثبت رجحان لوی لامل په صنعتي سکتور کې پرمختګ او د کورني او بهرني پانګونې تدریجي زیاتوالی بلل شوی دی. راپور کې ویل شوي چې د حکومت جوړښتي اصلاحاتو اقتصاد نه یوازې باثباته کړی، بلکې نوي حرکت یې هم ورکړی دی
انفلاسیون او نړیوال خطرونه
یشین ڈویلپمنٹ بینک خبرداری ورکړی چې په منځني ختیځ کې روان کړکېچ او د نړۍ په کچه د تېلو د بیو بدلون له امله به په مالي کال ۲۰۲۶ کې د انفلاسیون کچه ۶.۴ سلنه او په ۲۰۲۷ کې ۶.۵ سلنه پاتې شي. راپور زیاتوي که چیرې د منځني ختیځ شخړه اوږده شي، نو د انرژۍ د بیو لوړوالی، د ریمیټنس کمښت او د کرنټ اکاؤنټ خساره زیاتېدو خطرونه رامنځته کېدای شي، چې د مقابلې لپاره میکرو اقتصادي نظم ضروري دی
نړیوال اقتصاد کې د پاکستان رول
راپور دا هم منلې چې پاکستان نه یوازې خپل اقتصاد پیاوړی کوي بلکې د نړیوالو کړکېچونو په کمولو او د نړیوالو بازارونو په ثبات کې هم خپل مهم ډیپلوماټیک رول ادا کوي. د پانګوالو د باور زیاتوالی د هېواد لپاره مثبت بلل شوی. کارپوهان وایي د یشین ڈویلپمنٹ بینک دا راپور د “پورته کېدونکي او پرمختګ کوونکي پاکستان” د بیانیې ملاتړ کوي چې پر دوامدارې اقتصادي ودې او ثبات ولاړ دی