د افغانستان اسلامي امارت د بهرنیو چارو وزیر محترم مولوي امیر خان متقي سره نن د بندیانو په چارو کې د امریکا متحده ایالتونو د ولسمشر ډونلډ ټرمپ ځانګړي استازي اډم بولر په مشرۍ پلاوي، چې د افغان سولې لپاره د متحده ایالتونو پخوانی ځانګړی استازی ډاکټر زلمی خلیلزاد هم په کې و، په پایه تخت کابل کې لیدنه وکړه.
په دې ناسته کې د دواړو هېوادونو د دوو اړخیزو اړیکو د پراختیا پر لارو چارو، د اتباعو پر مسایلو، او په افغانستان کې د پانګونې او نورو فرصتونو په تړاو هراړخیزې خبرې وشوې، دواړو لوریو ټینګار وکړ چې دوو اړخیزو اړیکو کې پر شته او راتلونکو بیلابیلو موضوعګانو، په ځانګړې توګه…د هغو اتباعو په اړه چې یوه او بل هېواد کې بندیان دي، خبرو ته ادامه ورکوي
امریکا او افغانستان اړیکو په اړه ټینګار
د هېواد د بهرنیو چارو وزیر په سر کې د دواړو لوریو ترمنځ دوحه کې پخوانیو مذاکراتو ته په اشارې سره وویل، اوس د دې ښه فرصت برابر شوی چې اړیکې عادي حالت ته راوګرځول شي او دوو اړخیزو اړیکو کې داسې پېچلې ستونزېنه شته چې اواری یې ډېر ستونزمن وي.
د امریکا لوري زلزله ځپلو په اړه خواشیني
د امریکايي پلاوي مشر هم پر خپل وار لومړی د هیواد په مشرقي ولایاتو کي د شویې زلزلې په اړه تسلیت ووایه او کابل ته یې خپل پخوانی سفر ګټور وباله او زیاته یې کړه چې دواړه لوري باید د تېرو مجالسو په تعقیب هلې ځلې وکړي، چي ښه نتایج تر لاسه شي.د امریکايي پلاوي مشر زیاته کړه چې هېواد یې د ملتونو د انتخاب ازادۍ ته درناوی لري او نه غواړي پر افغانانو څه شی وتپي. مهمه ده چې باید یادونه وشي چې نن د امریکا او افغان حکومتي چارواکو ترمینځ د دوو اړخیزو اړیکو د پراختیا پر هغو فرصتونو هم خبرې وشوې چې د دواړو هېوادونو په ګټه وي.
نورخبرونه