وزيراعظم شهباز شريف د جنرل اسمبلۍ غونډې په سائيډ لائن د متحده قامونو د جنرل سيکتر انتونيوګوټريس سره ليده کاته کړيدي،ورسره ئې د شريکې دلچسپې په معاملو،ترهه ګرۍ خلاف جنګ،د منطقې صورتحال ، غزه جهګړه،
دموسمياتي بدلون د خطرو د نقصاناتو او نړۍ کښې امن بحالۍ لپاره د متحده قامونو په کردار تفصيلي خبرې کړيدي ۔ وزيراعظم د نړۍ د امن او استحکام او په خصوصي توګه د پاکستان او هند ترمينځ تاؤ تريخوالې کمولو لپاره د انتونيوګوټريس د اقداماتو ستائينه کړېده او په نړۍ کښې امن بحال ساتلو لپاره د پاکستان مثبت کردار جاري ساتلو د عزم اظهار ئې کړېدے ۔ د ملاقات په مهال وزيراعظم شهباز شريف پاکستان کښې د بهرملکونو په سرپرستۍ کيدونکې د ترهه ګرۍ او په خصوصي توګه افغانستان کښې د کالعدم تنظيمونو د ټهکانو معامله د متحده قامونو جنرل سيکتر سره پورته کړيده ۔ دغه رنګ وزيراعظم شهباز شريف په مقبوضه کشمير کښې روان د هند ظلمونو،د پاکستان کالعدم تنظيمونو بي ايل اے،مجيد بريګيډ او نور ترهه ګرو سره د هند د مرستو او د سند طاس د معاهدې د خلاف ورزو نه انتونيو ګوټريس خبر کړېدے او وئيلي ئي دي چې د کشمير شخړې د حل نه بغير منطقه کښې امن نشي راتلے په دې موقع وزيراعظم د کشمير مسئله د متحده قامونو د سلامتي کونسل د قراردادونو مطابق حل کولو باندې زور راوړېدے ۔ دواړو مشرانو د غزه جنګ او مينځني ختيځ کښې رامخې ته شوي واقعاتو په معاملو هم خبرې کړېدي ، وزيراعظم د غزه په صورتحال او اسرائيلي جارحيت کښې اضافه باندې د تشويش اظهار کړېدے او د مسئلې د حل لپاره ئې غزه کښې د فوري جنګ بندۍ ، د فلسطيني رياست د قيام او غزه متاثرينو لپاره امداد رسولو مطالبه کړېده، وزيراعظم د فلسطين د مسئلې پائيدار او سياسي حل راويستو باندې زور راوړېدے او دې سلسله کښې د پاکستان د کردار وړانديز ئې کړېدے ۔ انتونيو ګوټريس د منطقې امن او استحکام او نړي والې شخړو د حل لپاره د پاکستان موثره او اصولي کردار ستائينه کړيده ۔
نورخبرونه
افغانستان بیا جوړیږي، د افغان کډوالو کورنیو خپل هیواد ته راتګ دوام لري: افغان چارواکي