په وفاقي پلازمېنه اسلامآباد کې د امریکا او ایران ترمنځ د خورا مهمو مذاکراتو لپاره ټول انتظامات وروستي پړاو ته رسېدلي دي. د ځايي سرچینو او ادارې په وینا، دا خبرې به په ټاکلي وخت او ځای ترسره کېږي او ټولو رابلل شویو نړیوالو مېلمنو د ګډون بشپړ ډاډ ورکړی دی
مذاکرات
سرچینې وايي د مذاکراتو په ځای کې ټول امنیتي معیارونه نافذ شوي او امنیتي ځواکونه په لوړه کچه چمتووالی لري ادارې د ریډ زون او نورو حساسو سیمو څارنه نوره هم سخته کړې، څو ډیپلوماتیکې چارې په ارامه فضا کې ترسره شي
د وروستیو راپورونو له مخې، سره له دې چې په پولو کې د اوربند د سرغړونو او د توغندیو د بریدونو اندېښمنو خبرونو شتون لري، بیا هم دواړه لوري خبرو ته د راتګ لپاره ژمن پاتې دي. ځايي ایف ایم سرچینو ویلي چې د شته کړکېچ باوجود د ډیپلوماسۍ په کچه د لوی پرمختګ امکانات شته او شنونکي دا ناسته د سیمې د تلپاتې سولې لپاره مهم پړاو بولي
اسلامآباد ټرافیک پولیسو
له بلې خوا د اسلامآباد ټرافیک پولیسو د خلکو د آسانتیا لپاره ځانګړی پلان اعلان کړی او له ولسه یې غوښتنه کړې چې له غیر ضروري سفرونو ډډه وکړي څو امنیت او نظم وساتل شي. پاکستان په دې مذاکراتو کې د یوه مهم تسهیل کوونکي په توګه راڅرګند شوی، چې موخه یې د نړیوالو قدرتونو ترمنځ د شخړو سولهییز حل دی