خارجه وزير اسحاق ډار د برطانيې دورې په مهال لندن کښې د پاکستان او برطانيې د وکيلانو فورم ته وينا کړېده،اسحاق ډار د ملک معاشي او امنيتي صورتحال په معاملو خبرې کړېدي ۔ خارجه وزير د هند لخوا د سند طاس معاهدې معطل کولو دعوې مسترد کړيدي او وئيلي ئي دي چې دا معاهده د نړي وال بنک په ثالثې کښې شوي وه هيڅ يو ملک په يک طرفه توګه دا معاهده نشي ختمولے۔ د اسحاق ډار وينا ترمخه سند طاس د پاکستان اتيا فيصده اوبو وسائل منظم کوي دا معاهده د څليريشت کروړ پاکستانيانو د ژوند او د مرګ مسئله ده د نريندر مودي لخوا د دې معاهدې معطل کول به د نړي وال قوانينو خلاف ورزي وي ۔ خارجه وزير خبر دارې ورکړېدے چې هندوستان د پاکستان د برخې يو څاڅکې اوبه هم نشي بندولے او نه ورته قانوني اختيار شته که چرې داسې وشول نو پاکستان به د دې سخت جواب ورکوي ۔
خارجه وزير اسحاق ډار خپله وينا کښې د پاکستان خلاف د هند د جارحيت ذکر هم کړېدے، وئيلي ئي دي چې هند حکومت بغير د څه ثبوت پهلګام حملو ذمه وار پاکستان ګرځولي وو او بيا ئې په عامه آبادۍ حملې هم وکړې خو پاکستان ورله داسې جواب ورکړې وو چې ټول عمر به ئې ياد ساتي ۔ اسحاق ډار واضحه کړيده چې پاکستان سيمه کښې امن او استحکام غواړي خو هيڅوک دې هم د امن خواهش د پاکستان کمزوري نه ګڼي د هر قسم خطرو او جارحيت به غاښ ماتې جواب ورکوؤ ۔ د برطانيې او پاکستاني وکيلانو دې دستورې ته وينا په وخت سند طاس اوبه بندول د هند آبي جارحيت ګرځولي دے، وکيلانو په دې معاهدې د عمل درآمد د تحفظ او په نړي وال فورم د پاکستان د اوبو د حقونو د وکالت لپاره قانوني ټاسک فورس د جوړولو اعلان کړېدے ۔ د برطانيې د دورې په مهال خارجه وزير اسحاق ډار د د پاکستان او افغانستان لپاره د برطانيې پارليماني انډر سيکرټري هميش فالکنر سره هم ليده کاته کړي وو او ورسره ئې د دواړو ملکونو اړيکو پراختيا،د سيمې سيکيورټۍ او کشمير مسئلې په معاملو خبرې کړې وې