بنو: په بنو کې فرنټیر کانسټبلری لاینز لویه دراوازه باندې برید کوونکو په اړه مهم انکشاف دا شوې دې چې د برید ځانمرګي افغان وګړي وو.
د تېرې اونۍ د بنو په ایف سي لاین باندې د خونړي برید څېړنې څرګندوي چې د ځانمرګي بریدګرو ډېری یې د افغانستان اوسېدونکي وو، چې دا د پاکستان د لوېدیځو سیمو د امنیتي ستونزو سرحدي اړخ یو ځل بیا په ډاګه کوي.
د امنیتي چارواکو په وینا، د برید کوونکو له پنځو کسانوڅخه درې کسان افغان وګړي پیژندل شوې دي. بریدګرو د بارودو ډک موټر ددې ودانې لوی دروازې سره ټکر کړو چې له امله ی وروره چاودنه وشوه او ورسره نزدې ودانۍ او دوکانونه ی ویجاړ کړل. ددې برید په مهال شپږ امنیتي اهلکار هم ژوند له لاسه ورکړو.
پیژندل شوي افغان وګړي
ددې خونړي برید کوونکي نجیب الله ملقب حذیفه د افغانستان د خوست ولایت اوسېدونکی، د درېیم ځانمرګي بریدګر په توګه پېژندل شوی.
له دې وړاندې څېړونکو د ملا شبیر احمد ملقب مولوي بلال مهاجر چې د وردګو ولایت د سعیدآباد ولسوالۍ د عبدالـمحیالدین کلي اوسېدونکی و، او عبدالعزیز ملقب قاصد مهاجر چې د پکتیکا ولایت د متاخان ولسوالۍ اوسېدونکی و، هویت هم څرګند کړی وو.دغه هویتونه د افغانستان له خاورې د فعالو وسله والو شبکو سره مستقیم تړاو ښيي.
له وړاندې پلان شوې برید
شواهد څرګندوي چې د بنو برید مخکې پلان شوی و. چارواکي وايي یو ویډیويي پیغام د برید کوونکو له لوري خپور شوی و، چې پکې له ناقانونه ګرځولې شوې ډلې تحریک طالبان پاکستان څخه غوښتنه شوې وه چې د پاکستان او یا هر بل هېواد په دننه کې د ځانمرګي برید په ترسره کولو کې مرسته وکړي. په دې ویډیو کې بریدګر ادعا کړې وه چې هغه د افغانستان د هلمند ولایت د برامچه په سیمه کې مېشت دی، کومه چې د وسله والو یو پېژندل شوی مرکز بلل کېږي.
د پاکستان لپاره راپورته شوې ګواښ
د بنو برید د پاکستان هغه تکراري اندېښنې پیاوړې کوي چې د افغانستان خاوره د وسله والو د پناه ځای په توګه کارول کېږي، څو له هغې ځایه پر پاکستان بریدونه ترسره کړي. د امنیت شنونکي خبرداری ورکوي چې دا پېښه په پاکستان د لوېدیځو سیمو کې پلان شوي بریدونو د بیا راپورته کېدو څرګندونه کوي، چیرې چې د تحریک طالبان پاکستان او ورسره تړلو ترهګرو ډلو په وروستیو میاشتو کې خپل فعالیتونه زیات کړي دي.