لاهور: د بیساکهي مېلې کې د ګډون لپاره له ۲۷۰۰ څخه زیات هندي سکه یاتریان د واګه سرحد له لارې پاکستان ته رسېدلي، چې تود هرکلی یې شوی دی د چارواکو په وینا، د واګه سرحد پر مهال د یاتریانو لپاره لنگر، ټرانسپورټ او فوري طبي اسانتیاوې برابرې شوې وې، او ځانګړي امنیتي تدابیر هم نیول شوي وو
سکه یاتریانو پاکستان ته د راتګ پر مهال د خوښۍ څرګندونه کړې او ویلي یې دي چې د دلته د خلکو مېلمه پالنې یې زړونه ګټلي دي د پاکستان سکه ګوردواره پر بندک کمیټې مشر او د پنجاب د اقلیتي چارو وزیر سردار رمیش سنګ اروړه ویلي چې پاکستان یو سولهپال هېواد دی او د سکه ټولنې لپاره یې دروازې تل پرانیستې دي
کرتارپور او ګوردواره
د پروګرام له مخې، یاتریان به لومړی په ننکانہ صاحب کې پاتې شي، وروسته به ګوردواره پنجہ صاحب حسن ابدال ته ځي، چې هلته به د اپرېل په ۱۴مه د بیساکهي مرکزي مراسم ترسره شي
وروسته به یاتریان د ګوردواره دربار صاحب کرتارپور او ګوردواره ډیرا صاحب لاهور زیارت هم کوي، او د هغوی د ستنېدو تمه د اپرېل په ۱۹مه ده
شنونکي وايي چې دا ډول مذهبي سیاحت نه یوازې د بینالمذاهب همغږۍ وده کوي بلکې د پاکستان مثبت انځور هم نړۍ ته وړاندې کوي