د پاکستان بحري ځواک د انساني همدردۍ له مخې په عرب سمندر کې یو مهم عملیات ترسره کړل او د سمندر په منځ کې بند پاتې د هندي بېړۍ عمله یې وژغورله. دا ریسکیو عملیات د ممبۍ د “مرین ریسکیو کوآرډینیشن سنټر” له بیړنۍ غوښتنې وروسته سمدستي پیل شول
د معلوماتو له مخې، هندي بېړۍ “ایم وي ګوتم” له عمانه هند ته روانه وه چې د سمندر په منځ کې له جدي تخنیکي او میخانیکي ستونزو سره مخ شوه، له امله یې بېړۍ او عمله له خطر سره مخ شول. د ممبۍ له خوا د مرستې غوښتنې سره سم، د پاکستان بحري ځواک خپله فریګیټ “کشمیر” سمدستي د مرستې لپاره واستوله
د پاکستان بحري ځواک فریګیټ “کشمیر” د پېښې ځای ته په رسېدو سره هندي عمله خوندي ځای ته انتقال کړه او هغوی ته یې اړینه بشري مرسته هم برابره کړه. دا پر وخت اقدام د نړیوالو سمندري قوانینو او د انساني همدردۍ د لوړو اصولو څرګند ثبوت دی، چې له امله یې یو لوی احتمالي ناورین مخه ونیول شوه
د کراچۍ د پولیسو عملیات: کوچنۍ نجلۍ د ترهګرۍ له جال وژغورل شوه