سلهټ: د بنګله دېش او پاکستان ترمنځ د دوهم او وروستي ټېسټ سیالۍ په درېیمه ورځ کوربه لوبډله په خپله دوهمه پاڼۍ کې ۳۹۰ منډې جوړولو وروسته ټول لوبغاړي له لاسه ورکړل، چې له دې سره پاکستان ته د سیالۍ او سیریز د ژغورلو لپاره ۴۳۷ منډې سخت هدف ورکړل شو
په دوو ټېسټ سیالیو کې بنګله دېش له مخکې نه ۱-۰ برتري لري، او په لومړۍ لوبه کې یې پاکستان ته د ۱۰۴ منډو په توپیر ماتې ورکړې وه
په درېیمه ورځ بنګله دېش خپله دوهمه پاڼۍ له ۱۱۰ منډو د ۳ لوبغاړو په سوځېدو پیل کړه او بیا یې ۳۹۰ منډې جوړې کړې
تجربه کار بیټسمین مشفق الرحیم ۱۳۷ منډې وکړې او لېټن داس ۶۹ منډې جوړې کړې، چې د ټیم موقف یې پیاوړی کړ
مخکې محمود الحسن جوی ۵۲ او مومن الحق ۳۰ منډې کړي وې
د پاکستان له لوري خرم شهزاد ۴ ویکټې واخیستې، ساجد خان ۳ او حسن علي ۲ لوبغاړي وسوځول
پاکستان په لومړۍ پاڼۍ کې د بنګله دېش د ۲۷۸ منډو په ځواب کې یوازې ۲۳۲ منډې جوړې کړې
بابر اعظم ۶۸ او ساجد خان ۳۸ منډې وکړې، خو نور لوبغاړي ښه ونه ځلېدل
د بنګله دېش له لوري ناهید رانا او تیج الاسلام هر یو ۳، ۳ ویکټې واخیستې
پاکستان ته اوس د سیریز د برابرولو لپاره د ۴۳۷ منډو ستر هدف مخې ته دی
نور ولولئ