اسلام آباد: د سیکیورټیز اینډ ایکسچېنج کمېشن آف پاکستان د وروستیو شمېرو له مخې، په هېواد کې د روان کال له فبرورۍ څخه تر اپرېل پورې د سوداګریزو فعالیتونو په برخه کې د پام وړ زیاتوالی لیدل شوی
په دې موده کې ټولټال ۱۰ زره ۵۱۱ نوې کمپنۍ ثبت شوې، په داسې حال کې چې تېر کال په همدې موده کې دا شمېر ۸ زره ۶۹۳ و، چې دا د پانګهوالو د باور د زیاتوالي څرګندونه کوي
یوازې په اپرېل میاشت کې ۴ زره ۸۲ کمپنۍ ثبت شوې، چې د نړۍ له ۲۲ څخه زیاتو هېوادونو پانګهوالو پکې علاقه ښودلې ده
بهرنۍ پانګونه او سرمايه کې زیاتوالی
په دې موده کې د بهرنیو پانګهوالو د شرکتونو په مجموعي ادا شوې سرمایه کې ۲۱۸ سلنه ریکارډ زیاتوالی ثبت شوی، چې ۸۸ کروړه ۲۰ لکه روپیو ته رسېدلی دی، په داسې حال کې چې تېر کال دا اندازه ۲۷ کروړه ۷۰ لکه روپۍ وه
په پاکستان کې تر ټولو زیاتې کمپنۍ د سوداګرۍ، خدماتو، معلوماتي ټکنالوژۍ، تعمیراتو او معدنیاتو په برخو کې ثبت شوې دي
د قانوني تعمیل او ډیجیټل بدلون پرمختګ
د اعلامیې له مخې، د کمپنیو د قانوني تعمیل په برخه کې هم ۶۱ سلنه زیاتوالی راغلی دی
په دې درې میاشتو کې ۶۱ زره ۹۶۰ کمپنیو خپل کلني ریټرنز جمع کړي، په داسې حال کې چې تېر کال دا شمېر ۳۸ زره ۳۲۶ و
SECP هم د غیر فهرست شویو کمپنیو د حصصو سرټیفیکیټونو ډیجیټل کولو پروسه پیل کړې ده، چې له مخې به یې د حصصو شخړې کمې شي او نظام به شفاف شي
دغه راز د کمپنیو د ثبت نظام د لا عصري کولو، د نومونو د خوندي کولو او د مصنوعي ځیرکتیا (AI) د کارولو پلان هم روان دی
نور ولولئ