پاکستان کې بهرنۍ پانګونه؛ په اپرېل کې د ۶۱ میلیونه ډالرو خالص جریان سره چین تر ټولو وړاندې

کراچۍ: د پاکستان دولتي بانک د وروستیو شمېرو له مخې، د ۲۰۲۶ کال په اپرېل میاشت کې چین په پاکستان کې د مستقیمې بهرنۍ پانګونې تر ټولو لوی هېواد ګرځېدلی، چې ۶۱ میلیونه ډالره خالصه پانګونه یې کړې ده

له چین وروسته هانګ کانګ ۲۷.۶ میلیونه ډالر او متحده عربي امارات ۲۵ میلیونه ډالر پانګونې سره په ترتیب سره دوهم او درېیم ځای لر

چین د بهرنۍ پانګونې په سر کې

د مالي کال ۲۰۲۶ د لومړیو ۱۰ میاشتو ټولیزو شمېرو له مخې چین په مجموعي ډول د ۷۳۹.۶ میلیونه ډالرو خالصې بهرنۍ مستقیمې پانګونې سره په لومړي مقام پاتې دی، هانګ کانګ ۲۸۱.۳ میلیونه ډالر سره دوهم او سویس ۱۶۹.۹ میلیونه ډالر سره درېیم مقام لري

راپور وایي چې په دې موده کې ټولې بهرنۍ مستقیمې پانګونې ۱.۴۱ میلیارده ډالر شوې، چې د تېر مالي کال د ورته مودې د ۲.۰۴ میلیارده ډالرو په پرتله ۳۰.۷۸ سلنه کموالی ښيي

مجموعي بهرنۍ پانګونه او کمښت

چین د ټولې پانګونې ۵۲.۴۹ سلنه برخه لرلې، خو بیا هم د تېر کال په پرتله پکې ۲۸.۹۵ سلنه کمی راغلی دی
همدارنګه د هانګ کانګ برخه هم ۲۸.۱۵ سلنه کمه شوې، خو سویس کې ۲۶.۴۱ سلنه زیاتوالی لیدل شوی

متحده عربي امارات او برطانیه هم له مهمو پانګه‌والو هېوادونو څخه پاتې شوي

راپور زیاتوي چې د پورټ فولیو پانګونه په اپرېل کې منفي ۴۳۳.۵ میلیونه ډالر وه، او په ټول ۱۰ میاشتو کې د ۱.۳۸ میلیارده ډالرو وتل ثبت شوي دي

د دولتي بانک په وینا، په اپرېل کې ټولې بهرنۍ پانګونې ۳۷۹ میلیونه ډالر ثبت شوي، خو د روان مالي کال په لومړیو ۱۰ میاشتو کې دا شمېره ۳۱.۷ میلیونه ډالر ته راکمه شوې چې د تېر کال په پرتله د پام وړ کموالی ښيي