کابل: د افغانستان په بدخشان ولایت کې د طالبانو ضد ولسي احتجاجونو او د وسله والو فعالیتونو زیاتوالي د هېواد ستراتیژیک وضعیت نوی لوری ورکړی دی. د افغانستان د ازادۍ جبهې د سیاسي کمېټې مشر داؤد ناجي یوه نړیوالې رسنۍ ته ویلي چې د دوی جنګیالیو په بدخشان کې وادۍ خوستک ته داخل شوي او طالبان یې شاتګ ته اړ کړي دي. دا پرمختګ په داسې وخت کې رامنځته شوی چې په سیمه کې د طالبانو پر ضد ولسي احتجاجونه هم روان دي.
داؤد ناجي وايي چې رسنۍ د بدخشان وروستي احتجاجونه یوازې د کوکنارو د فصل د له منځه تلو له امله بولي، خو اصل لامل د طالبانو درې کلن ظلم، غیرقانوني چلند، نیونې او د خلکو سپکاوی دی. هغه وویل بدخشان تل د آزادۍ او مقاومت مرکز پاتې شوی او د طالبانو ظلم خلک پاڅون ته اړ کړي دي.
د ازادۍ جبهې پوځي مشران وايي چې دوی د منظم پلان له مخې د “پسرلنیو عملیاتو” پیل کړی او هدف یې د طالبانو د کنټرول کمزوری کول دي. شنونکي وایي چې په وادۍ خوستک کې د طالبانو شاتګ او د ولسي نارضایتۍ زیاتوالی ښيي چې د فشار پر بنسټ نظام دننه کمزوری شوی دی
نور ولولئ
داوود ناجي: د بدخشان د خلکو پاڅون د طالبانو د ځپنې او سپکاوي پایله ده