د خیبر پښتونخوا د سرحدي ضلع باجوړ د دمنګي کیمپ پر وروستیو مرګونو ترهګریزو بریدونو په پلټنو کې مهم پرمختګ شوی، چې له مخې یې برید کوونکی ځانمرګی او نور وژل شوي وسله وال د افغانستان سره تړاو لري
د «محاذ» د راپور له مخې، د دمنګي کیمپ برید کوونکی ځانمرګی په رسمي ډول د جلالالدین عرف سجاد په نوم پېژندل شوی دی. د پلټنو له مخې هغه افغان وګړی و، چې د افغانستان د وردک ولایت د نرخ ولسوالۍ د «دادل» کلي اوسېدونکی و
رسنیو د معلوماتو له مخې، د جلالالدین د پېژندنې وروسته د افغانستان په هغه کلي کې د هغه لپاره غائبانہ جنازه او تعزیتي غونډه هم ترسره شوې، چې دا د هغه د هویت او په برید کې د ښکېلتیا نورې تاییدي نښې بلل کېږي
د «محاذ» د راپور په وینا، د باجوړ د دمنګي کیمپ په دې برید کې د امنیتي ځواکونو په ځوابي عملیاتو کې وژل شوي نور ټول وسله وال هم افغان وګړي وو
د راپور له مخې، د دغو ترهګرو له نیول شوو شواهدو او شبکې نښې د سرحد هاخوا افغانستان ته رسېږي، چې له امله یې قانون پلي کوونکو ادارو پلټنې لا پراخې کړې دي. چارواکي وایي چې د دې شبکې په اړه نور مهم معلومات به ژر له رسنیو سره شریک شي