راولپنډۍ: د پاک پوځ د عامه اړیکو څانګې (آی ایس پي آر) د هندي پوځ د مشر جنرال اپیندر دوېدي د وروستیو پاروونکو او غیر مسوولانه څرګندونو په اړه سخت غبرګون ښودلی دی
آی ایس پي آر وایي د هندي پوځ د مشر دا خبره چې پاکستان باید پرېکړه وکړي چې ایا د “جغرافیې او تاریخ برخه” پاتې کېدل غواړي که نه، د ذهني کمزورۍ او غیر مسوولانه چلند ښکاره نښه ده
ویاند ټینګار کړی چې د دوو اټومي هېوادونو ترمنځ داسې ژبه د هېڅ مسوول پوځي مشرتابه لپاره مناسبه نه ده او خبرداری یې ورکړی چې د داسې افراطي فکرونو د ترویج پایلې به ډېرې خطرناکې وي
سویلي اسیا کې د پاروونکي بیانیې خطر او د ثبات اړتیا
په بیان کې ویل شوي چې د هر ډول “جغرافیایي تباهۍ” پایله به یو اړخیزه نه بلکې بشپړه او دوه اړخیزه وي چې د دواړو اټومي هېوادونو ترمنځ د جدي ټکر خطر ښيي
آی ایس پي آر دا هم ویلي چې پاکستان یو اټومي ځواک او د سویلي اسیا یوه څرګنده حقیقت دی او د افسوس خبره ده چې ځینې هندي مشران لا هم د پاکستان خپلواک وجود په بشپړ ډول نه مني
په پای کې خبرداری ورکړل شوی چې دا ډول پاروونکی بیانونه کولی شي ټوله سیمه له سختې بې ثباتۍ او نړیوالو خطرونو سره مخ کړي او دایمي سولې لپاره زغم او مسوولانه چلند ضروري دی
نور ولولئ
هندي پروپاګنډه بیا راپورته شوې؛ د کشمیر په اړه مبینه ادعاوې خپرې شوې دي